________________
માતા-પિતાએ દેવભોગને માટે માનેલી હિંસા નહિ કરવાથી તે યક્ષે અનેક ઉપસર્ગ કર્યા છતાં તેને દયાધર્મમાં દૃઢ નિશ્ચયવાળો જાણી, તેના સત્ત્વથી દેવે તુષ્ટમાન થઈ, તેના ઉપર પુષ્પની વૃષ્ટિ કરી, તેના સદ્ગુણોની ભારે પ્રશંસા કીર્ધી. પછી દેવસાન્નિધ્યથી સકળ પૃથ્વી સાધી, શ્રી જિનશાસનની પ્રભાવના કરી, બહુ પુણ્યનાં કાર્ય કરી, અંતે દીક્ષા ગ્રહી, સકળ કર્મમળનો સર્વથા ક્ષય કરી, તે પરમપદનો ભોગી થયો.
ધર્મરુચિ અણગારની કથા (ગાથા-૧૪૫)
ધર્મઘોષસૂરિના શિષ્ય ધર્મરુચિ અણગાર તપસ્યાને પારણે ગોચરી ગયેલા ત્યારે નાગશ્રી નામની વિપ્રભાર્યાએ ભ્રાંતિથી કરેલું કડવી તુંબડીનું શાક તેમને આપી દીધું, તે શાક ગુરુ મહારાજને બતાવતાં વિષ તુલ્ય જાણી ગુરુએ નિવધ સ્થળમાં પરઠવવા ફરમાવ્યું. તેમ કરતાં તેમાંથી પડેલા એક બિંદુ માત્રથી અનેક કીટિકા પ્રમુખનો નાથ થયેલો જોઈ તે દયાળુ અણગાર તે સર્વ શાક પોતે જ ભક્ષી ગયા, અને પરિણામે સમાધિથી કાલધર્મ પામી સદ્ગતિ પામ્યા.
નાગદત્તની કથા (ગાથા-૧૫૧)
વારાણસીમાં વસતા ધનદત્ત શ્રેષ્ઠીનો પુત્ર નાગદત્ત નામે મહાસૌભાગ્યશાળી ધર્મમર્મનો જાણકાર છે. એકદા માર્ગમાં ચાલતાં રાજાનું પડી ગયેલું કુંડળ રજરેણુથી ઢંકાયેલું પોતે જોયા છતાં લીધું નહીં પણ ચકિત થઇ અન્ય માર્ગે ચાલ્યો. વસુદત્તે તે જોવા લીધું, અને અવસર પામી નાગદત્તને અપાય પાડવા જ્યારે નાગદત્ત પૌષધમાં કાઉસગ્ગમુદ્રાએ ઊભો હતો ત્યારે તેના ગળે બાંધીને રાજાને તે વાત જણાવી. રાજાએ તેને તેવી જ અવસ્થામાં ત્યાં મંગાવી બહુ
श्री पुष्पमाला प्रकरण
१६२