________________
શ્રમણ ક્રિયા સૂત્રસન્દર્ભ अट्ठ य पवयणमाया, दिट्ठा अट्ठविहनिटिअटेहिं । उवसंपन्नो जुत्तो, रक्खामि महब्बए पंच ॥ ३६ ॥ . नवपावनिआणाई, संसारत्था य नवविहा जीवा । परिवज्जतो गुत्तो, रक्खामि महब्बए पंच ॥ ३७ ॥ नवबंभचेरगुत्तो, दुनवविहं बंभचेरपरिसुद्धं । उवसंपन्नो जुत्तो, रक्खामि महव्वए पंच ॥ ३८ ॥ उवघायं च दसविहं, असंवरं तह य संकिलेसं च । परिवज्जतो गुत्तो, रक्खामि महब्बए पंच ॥ ३९ ॥ सच्चसमाहिट्ठाणा, दस चेत्र दसाओ समणधम्मं च । उवसंपन्नो जुत्तो, रक्खामि महव्वए पंच ॥ ४० ॥
आसायणं च सव्वं, तिगुणं इक्कारसं विवज्जतो । उवसंपन्नो जुत्तो, रक्खामि महव्यए पंच ॥ ४१ ॥ एवं तिदंडविरओ, तिगरणसुद्धो तिसल्लनिस्सल्लो। तिविहेण पडिक्कतो, रक्खामि महव्यए पंच ॥ ४२ ॥
इच्चेइअं महव्ययउच्चारणं थिरत्तं सल्लुध्धरणं धिइबलं ववसाओ साहणट्ठो पावनिवारणं निकायणा भावविसोही पडागाहरणं निज्जूहणाराहणा गुणाणं, संवरजोगो पसत्थज्झाणोवउत्तया जुत्तया य नाणे परमट्ठो उत्तमट्ठो । ___एस खलु तित्थंकरहिं रइरागदोसमहणेहिं देसिओ पवयणस्स सारो छन्जीवनिकायसंजमं उवएसिअं तेलुक्कसक्कयं ठाणं अब्भुवगया । नमोऽत्थु ते सिद्ध बुद्ध मुत्त निरय निस्संग माणमूरण गुणरयणसायरमणंतमप्पमेअ । नमोऽत्थु ते महइमहावीर
