________________
૧૧૪
શ્રમણ કિયા સૂત્રસન્દર્ભ अणभिगमेणं अभिगमेण वा, पमाएणं रागदोसपडि-बद्धयाए बालयाए मोहयाए मंदयाए किड्डयाए तिगारवगरु(अ)याए चउक्कसाओवगएणं पंचिंदिओक्सटेणं पडुप्पन्नभारियाए सायासुकखमणुपालयंतेणं इहं वा भवे, अन्नेसु वा भवग्गहणेसु, मेहुणं सेविअं वा सेवाविरं वा सेविजंतं वा परेहिं समणुन्नायं, तं निंदामि, गरिहामि, तिविहं तिविहेणं मणेणं वायाए कारणं, अईयं निंदामि, पडुप्पन्नं संवरेमि, अणागयं पच्चवखामि, सव्वं मेहुणं, जावज्जीवाए अणिस्सिओऽहं नेवसयं मेहुणं सेविज्जा, नेवन्नेहिं मेहुणं सेवाविज्जा, मेहुणं सेवंते वि अन्ने न समणुजाणिज्जा(णामि) । तं जहा-अरिहंतसक्विअं सिद्धसक्विों साहुसक्खिों देवसक्खिअं अप्पसक्खिरं, एवं भवइ भिक्खू वा भिक्खुणी वा संजय-विरय-पडिहय-पच्चक्खायपावकम्मे दिआ वा राओ वा, एगओ वा परिसागओ वा, सुत्ते वा जागरमाणे वा, एस खलु मेहुणस्स वेरमणे हिए सुहे खमे निस्सेसिए आणुगामिए पारगामिए सव्वेसिं पाणाणं सम्वेसि भूआणं सव्वेसि जीवाणं सव्वेसि सत्ताणं अदुक्खणयाए असोअणयाए अजूरणयाए अतिप्पणयाए अपीडणयाए अपरिआवणयाए अणुइवणयाए महत्थे महागुणे महाणुभावे महापुरिसाणुचिन्ने परमरिसिदेसिए पसत्थे, तं दुक्खक्वयार कम्मक्खयाए मो(मु)क्खयाए वोहिलाभाए संसारुत्तारणाए त्ति कटु उवसंपज्जित्ता णं विहरामि । चउत्थे भंते ? महब्बए उबढिओ मि सबाओ. मेहुणाओ वेरमणं ॥४॥
