________________
લબ્ધિ પ્રતિક્રમણ ચિંતતિકા
૭૯
સૂત્ર
વંદનીય પ્રભુ મને તેમના જેવો બનાવે છે. વંદનીય પાત્ર જેટલું મહાન તેટલું વંદનનું ફળ મહાન... હું અનંત ગુણનિધિ પરમાત્માને વંદન કરૂં છું. એક ધન્ય દિને હું પણ અનંત ગુણી બનીશ. અનંત ગુણનો માલિક બનીશ. મારૂં સ્થાન પણ સર્વોત્કૃષ્ટ સર્વ શ્રેષ્ઠ સિધ્ધશીલા બનશે.
પ્રભુ ! જ્યારે હું બોલું છું... વી૨ વર્ધમાનને વંદન કરૂં છું ત્યારે પ્રભુનો નંદન મુનિનો ભવ દેખાય છે.
પ્રભુ ! તમે કર્મ ખપાવવા કેટલા માસક્ષમણ કર્યા... આપે જે માસક્ષમણ કર્યા તેની ગણત્રી કરતાં પણ થાકી જાઉં છું. વિચાર કરતાં થાય છે. . . નિકાચિત કર્મ ક્ષીણ કરવા તપ જેવું અમોઘ સાધન નથી. સર્વોત્કૃષ્ટ પુણ્ય પ્રકૃતિ તીર્થંકર નામકર્મ આપે તપ દ્વારા પ્રાપ્ત કરી કલિકાલ સર્વજ્ઞ હેમચંદ્રાચાર્ય મ. જે પ્રભુ વીરની સ્તુતિમાં લલકાર્યું.
‘વીરસ્ય ઘોરં તપો’ તીર્થંકર પ્રભુ ચોવીસ. પ્રત્યેક તીર્થંકર પ્રભુના આત્માની યોગ્યતા સમાન. . . પણ વી૨ વર્ધમાન પ્રભુની જીવન સાધના અલૌકિક, વી૨ વર્ધમાન પ્રભુના ચારિત્ર વાંચે એટલે સૌ વી૨ના ચરણે ઝૂકી જ જાય. સમસ્ત સંસારીને સાંસારિક જીવન માટે જે સદ્ગુણ જોઇએ સમસ્ત સાધકને સાધના માટે જે સદ્ગુણ જોઇએ તે પ્રભુનું જીવન ચરિત્ર વાંચતા સહજ રીતે પ્રાપ્ત થાય. પ્રભુનું ચરિત્ર હૃદયને હચમચાવી મૂકે
પ્રભુ ! તમારી કરૂણા અપૂર્વ! પ્રભુ ! તમારી સહનશીલતા અપૂર્વ. પ્રભુ ! તમારૂં વાત્સલ્ય અપૂર્વ...
ઘનઘોર જંગલ વચ્ચે આપ કાર્યોત્સર્ગ ધ્યાનમાં સ્થિર થયા હતા.
