________________
શ્રી લબ્ધિ પ્રતિકમણ સૂત્ર ચિંતતિકા | સર્વગુણ શિરોમણિ ! પરોપકાર ભાવ પ્રાપ્ત થાવ. આ મારી વાત નથી. ખોટી કલ્પના નથી... પણ નાભિનો અવાજ છે. આપની કૃપાના પ્રભાવે મારે પરોપકારી બનવું છે. પ્રાતઃકાળના મંગલ સમયે પ્રાર્થના કરતાં મારા હૃદયમાં એક રહસ્યનું ઉદ્ઘાટન થયું છે. એકસો જગાએ એક-એક ફૂટ ખોદવાથી પાણી નહિ મળે. એક જ જગાએ સો ફૂટ ખોદવાથી જરૂર પાણી મળશે.
પ્રભુઆપની કૃપાએ પરોપકારનો ભેખ લીધો છે. પરોપકારનું અસિધારવ્રત લેવું છે. પરોપકારની પ્રાપ્તિ કરવી છે. એક પરોપકાર ગુણ મને પ્રાપ્ત થશે તો અનેક ગુણો સ્વયે ચાલીને આવશે. પરોપકાર ગુણ ખૂબ મોટા સમુદાયમાં રહે છે. પરોપકાર ગુણ સાજન-મહાજનગુણીજન સાથે આવે છે.
હે જગ ગુરુ! વીતરાગ! હું ફક્ત જયવીયરાયસૂત્ર બોલતાં જ પરોપકાર ગુણની પ્રાર્થના કરતો નથી. પણ પ્રત્યેક વિધિ વિધાન સમયે પ્રભુ! આપને વિનંતી કરું છું. હું ચાહક છું... અનુમોદક છું... પરોપકાર ગુણનો મને વિશ્વાસ છે વીતરાગ સર્વજ્ઞ તીર્થંકર પ્રભુનો પ્રભાવ, કૃપા મને પરોપકારી બનાવશે. કોઈ એવી ઘડી નથી... પળ નથી. પ્રભુ આપના ચરણે નતમસ્તકે મારી પ્રાર્થન ચાલુ ન હોય.
પ્રભુ આપના ચરણકમળનો અદનો સેવક છું... બસ, સ્વીકારો... મારી પ્રાર્થના... “જયવીયરાય ! હોલ માં તુહપ્પભાવ... પરFકરણ ચ” આપ કીમીયાગર છો... જાદુગર છો. મારા ઉપર આપનો જાદુ કરો. હું પરોપકારી બનું - આપ મને પરોપકાર દ્વારા સર્વગુણ સંપૂર્ણ ગુણી બનાવો એજ પ્રાર્થના...
