________________
૧
–––
શ્રી લબ્ધિ પ્રતિક્રમણ સૂત્ર ચિંતતિકા અનુપમ ગુણ છે. .
તીર્થકર પ્રભુનો મહાન ગુણ છે પરાર્થ વ્યસનીતા...
તીર્થંકર પ્રભુ સાથે સીધો સંબંધ સ્થાપિત કરવો હોય તો પરોપકારી બનવું પડે. પરોપકાર ગુણ ચરમ સીમાએ વિકસિત કરવો પડે.
પરોપકારના બદલામાં કંઇક ઇચ્છવુંચાહવું એતો સોદો છે. વ્યાપાર છે. તીર્થંકર પ્રભુ સ્વભાવથી પરોપકારી હોય છે. પરોપકારના બદલાની કોઈ આશા અપેક્ષા રાખતા નથી. પરોપકાર દ્વારા સ્વાત્માનંદના સુખની અનુભૂતિ કરે છે. પરોપકાર એ જીવનનું વ્યસન હોય તે તીર્થકર. તીર્થકર પ્રભુ દેશના દ્વારા ઉપદેશ દ્વારા તીર્થંકરનામ કર્મની નિર્જરા કરે છે.
પરોપકારની ભાવનામાં બીજાને - અન્યને સુખ-શાંતિ પહોંચાડવાની હિત ભાવના હોય છે. - સંયમ જીવનનું ૩૫મું વર્ષ હતું. અમોદક્ષિણભારતથી ગુજરાતમાં વિહાર કરીને આવી રહ્યા હતાં. વડોદરાથી છાણી આવવાનું હતું. નિઝામપુરા દર્શન કર્યા લગભગ ઘડીયાળ ૧૦-૩૦ થી આગળ વધી રહ્યી હતી. અમે ૧૪ સાધ્વીજી મ. હતા. બે સાધુ ભગવંત પધારી રહ્યા હતા. અમે છાણીનો રસ્તો પૂછયો. તેઓ એ ઘડીયાળ જોઈ અમારા સૌના મોઢા ઉપરનો થાક જોયો. મહાત્માએ બે ક્ષણ વિચાર કર્યો. અમને કહે અમે આગળ ચાલીએ છીએ. તમે પાછળ આવો તેઓ કુલ સ્પીડે ચાલવા લાગ્યા. લગભગ ૩કિ.મી. સુધી. હાઈવે પર ચાલ્યા. શોર્ટકટની ૧ગલી આવી. અમને કહે આ રસ્તે જાવ ૧ કિ.મી. છાણીના મંદિરમાં.
મહાત્મા ! આટલી કૃપા... વંદન’... અમે બોલતાં રહ્યા અને મહાત્મા ચાલ્યા ગયા. એ તો પાણીના પૂરની ઝડપે ચાલ્યા. તેઓએ અમારું નામ ન પૂછયું! સમુદાય ન પૂછયો... અમે કંઈ વાર્તાલાપ કરીએ તે પહેલાં તેઓ તો નિઃસંગ ભાવે આગળ નીકળી ચૂક્યા.
