________________
શ્રી લબ્ધિ પ્રતિક્રમણ સૂત્ર ચિંતતિક
દુનિયાના મોઢા મને દેખાય છે પણ મને મારું મોઢું દેખાતું નથી. આજ મનની રાવણવૃત્તિની કેવી માયા જાળ છે.....
પ્રભુ! તારૂં શાસન પામી હું અભિમાની જ રહીશ! ઇર્ષાળુ જ રહીશ ! મારી જાતને હું શું માનું છું... મને સમજાતું નથી... શાસ્ત્ર સમજતો નહિ શાસ્ત્ર વાંચતો નહિ ત્યાં સુધી કહેતો હતો... કેવા વિચિત્ર છે... આ દુનિયાના લોકો.. આટલી નાની બાબત માટે ઝઘડા કરે છે. પણ હવે હું મારી જાતને પુછું છું... મારા મનને પુછું છું... એય ઢોંગી બિલાડા! તું મારી પાસે શું શું નાટક કરાવે છે શું ઢોંગ કરાવે છે? રોજ બોલું “નમો લોએ સવ્વ સાહૂર્ણ અને મનથી પાંચ દશની બાદબાકી કરૂં! રોજ બોલું ભાવણિજ્જાએ – નિસહિયાએ... યથાશક્તિ પાપનો ત્યાગ કરી વંદન કરૂં અને કેટલા ગોટાલા કરૂં? રોજ બોલું જાવંત કવિ સાહ... વાત કરૂં ભરત-ઐરાવત-મહાવિદેહ ક્ષેત્રના સાધુના વંદનની અને રાગ-દ્વેષ અહંથી મારી બાજુમાં બેઠેલ ગુણીજનના વંદન છોડી
દઉં.
પ્રભુ! આ રાગ-દ્વેષ... આ અભાવ શું મારા સમ્યક્ત્વનો નાશ નહિં કરે !
પ્રભુ! પ્રભુ ! પ્રભુ... અભિમાનના અજગરના ભરડામાં છું. આ નાગચૂડ ભીસમાંથી છૂટતો નથી...હું વંદન નથી કરતો એ જાહેર થઈ ગયું પછી તો હવે વંદન કેમ કરી શકાય ... હું ખોટો હતો એ સાબિત થાય... પ્રભુ! કોઈ એક ધન્ય દિને આપની અપરંપાર મારા ઉપર કૃપા થઇ ત્યારે મને મારા આત્માનું સાચું દર્શન થયું. મારી ભૂલો મને પ્રત્યક્ષ દેખાયી.. જિનાજ્ઞાનો હું ભંજક છું તેવું ભાન થયું બાકી તો મેં સૂત્ર પાઠ પોપટ પાઠ કર્યા છે. ભૂલેચૂકેય મારા આત્માને શુભ ભાવ
