________________
યુણિજઇ નિચ્ચ વિહાસિ |
પ્રાતઃકાળમાં હું નિત્ય સ્તુતિ કરું છું. પ્રભુની સ્તુતિનો શ્રેષ્ઠ સમય કયો? અંતરથી એવો જવાબ આવે... પ્રભુની ભક્તિના ભાવ જાગ્યા તે સમય...
ભોજન માટે સમય હોય... ભજન માટે પણ સમય? ભજન તો ચોવીસ કલાક કરી શકાય... દિવસ રાત ગમે ત્યારે કરી શકાય આમ મનમાં અનેક વિચારધારા ચાલે...
સમય એ પણ એક ખૂબ મોટી વસ્તુ છે... કાળચક્ર ... ઋતુચક્ર... રાશિચક્ર ... નક્ષત્ર ચક્ર...
સમસ્ત જ્યોતિષ શાસ્ત્ર સમયનું જ મહત્ત્વ દર્શાવે છે... ધર્મ કર્મના વ્યવહાર સમયને આધારિત છે... પ્રકૃતિની પ્રફુલ્લિતતા સમયને આભારી છે... ફળોનો રાજા કેરી ગર્મીમાં જ પાકે છે... સમસ્ત વનરાજી સમયના આધારે વિકસિત થાય છે...
પક્ષીઓનું પરિભ્રમણ પણ ઋતુને આધારે છે. સૂર્યની ગતિ પણ ઋતુઓને આભારી છે... સમસ્ત તીર્થંકર પ્રભુના જન્મ પણ મધ્યરાત્રિ એ જ થાય છે. સમસ્ત ધાર્મિક ક્રિયાનો પ્રારંભ બહુધા મધ્યાહ્ન પહેલા કરાય છે... પ્રભુ પ્રવેશ – પ્રભુ પ્રતિષ્ઠા – દીક્ષા - પદ-પદવી આ બધું પણ મુહૂર્ત પ્રમાણે કરાય છે.
