________________
શ્રી લબ્ધિ પ્રતિક્રમણ સૂત્ર ચિંતતિકા
૫૧
---
બનીગયેલ. પ્રભુ આપના દર્શન થતાં થયું ... લાખો કરોડો સૂર્ય એક સાથે ભેગા મળે અને જે પ્રકાશ પ્રાપ્ત ન થાય તે હે ! નાથ ! તમારા દર્શનથી થયો.
અણસમજ એ જ અજ્ઞાન... સમજ એજ જ્ઞાન... અટવાયો... અથડાયો... ફૂટાયો. અણસમજ... અજ્ઞાન... મારી ખોટી માન્યતા. . . મિથ્યા ભ્રમણમાં ભૂલો પડેલ ... પ્રભુ ! મારા પાપના અંધેરા તમે ઉલેચ્યા... હવે હું કોઇનાથી ડરીશ નહિં... કોઇને ડરાવીશ નહિં. અજ્ઞાન અંધકાર ...... મિથ્યાત્વ અંધકાર... મારી પાપ પુણ્યની વ્યાખ્યા બદલાઇ ગઇ... સાચું કહું... આધ્યાત્મિક જગત માં પ્રવેશ કરતાં મારૂં મન મને પૂછે છે... બોલ ભલા ભાઇ ! પુણ્ય કોને કહેવાય.... પાપ કોને કહેવાય... ભૌતિક જગતમાં ઋધ્ધિ સિધ્ધિ... માલ મિલ્કત. . . એશ આરામદાયક જીંદગીને પુણ્ય કહેવાય... આધ્યાત્મિક જગત માં સાચી માન્યતા. . . સાચી સમજ... સારૂં જીવન સૌને મંગલ કલ્યાણ દાયક જીવવું તેને પુણ્ય કહેવાય. પ્રભુ ! મારા હૃદયમાં પાપ પુણ્યની વ્યાખ્યા બદલાઇ ગઇ છે. આપના ઉપદેશનાં... આપના શાસ્ત્રના ... આપના દર્શને... મારી દૃષ્ટિબદલાઇ ગઇ... દષ્ટિ બદલાતા પ્રભુ મારી સૃષ્ટિ બદલાઇ ગઇ...
સાધન સામગ્રીનો અભાવ તે જ પાપ નહિ... પાપનું ફળ હોય તો પણ પુણ્ય બાંધી શકે.
સાધન સામગ્રીનો દુરુપયોગ કરવો તે ખરૂં પાપ કારણ કે તે ભયંકર પાપો પેદા કરી શકે.
પાંચ ઇન્દ્રિયનો અભાવ તે પાપ નહિ.. પાંચ ઇન્દ્રિયનો દુરુપયોગ કરવો તે પાપ.
