________________
શ્રી લબ્ધિ પ્રતિક્રમણ સૂત્ર ચિંતતિકા
દીધું - તમારી તાંકાત હું જાણું છું. તમે મારા માથા ઉપર સળગતા અંગારાની ભઠ્ઠી મૂકી... પણ તમારી ભૂલ તમને ખ્યાલમાં ન આવી. મારા હૃદયમાં સમતાના સામ્રાજ્ય છે. તેથી મારૂં શિર.... મારૂં મસ્તક હિમાલય કરતાં પણ ઠંડુ છે. તમે મારા વાળ પર ભઠ્ઠી મૂકી શક્યા છો. મારા માથા પર ભઠ્ઠી મુકી શક્યા છો... મનમાં નહિ. મારૂં મન તો સમતા સાથે લીન બની ગયું છે. સસરાજી ! તમે હો કે ... જગત હોય હું કોઇ સાથે ફરિયાદ કરતો નથી... મારે તો સમતા સાહેલીના કારણે સૌ સાથે મૈત્રી છે. સૌ સાથે આત્મીય સંબંધ છે... તમારી ભઠ્ઠીની જ્વાલાએ મારામાં શુકલ ધ્યાનની જ્વાલા પ્રગટાવી છે.. હું બળતો નથી...જલતો નથી. . . બળી રહ્યા છે મારા કર્મો. . . બળી રહી છે વિભાવ દશા. તમે કેટલા ઉપકારક... મારા આત્મ સ્વભાવને શુધ્ધ કર્યો... મારી આત્મશુધ્ધિના સહાયક !
સ્વાગત... સ્વાગત... હાર્દિક સ્વાગત....
પ્રભુ ! પ્રભુ ! સમતાના સહાયે ગજસુકુમાલ મુનિવર મોક્ષ પામ્યા. સમતાના આટલા સદ્ગુણ ...
સાધક ! મારા નાના લાડલા શિષ્ય ! તને સાચું કહું ? જરા કડવું તો લાગશે... તને જ્ઞાની કહેવરાવું ગમે છે ! તપસ્વી બનવું ગમે છે... તને દુનિયાના બધા પદ અને પદવીનો મોહ છે કારણ, તેમાં ક્યાંય તુરત પરીક્ષા નથી... પણ, સમભાવી સમતાવાન્... શાંત સ્વભાવી બનવું ગમતું નથી... કારણ તમે શાંત સ્વભાવી ! આખી દુનિયા ક્ષણે ક્ષણે તમારી પરીક્ષા કરશે અને પરીક્ષામાં વિજય કે હાર... સંબોધ સિત્તરીમાં હરિભદ્ર સૂરીશ્વરજી મ.સા. ફ૨માવે છે.
૪૭
