________________
શ્રી લબ્ધિ પ્રતિક્રમણ સૂત્ર ચિંતતિકા
૪૫
સમતા-સમત્વ પ્રાપ્ત કરવા વ્યક્તિને આંતરમુખ બનવું પડે છે. બાહ્ય જગત સાથે છેડો-નાતો છોડવો પડે છે. સમસ્ત જગતના સંબંધોને જીવોને બાય-બાય વિદાય આપી દેવી પડે છે....
જિનશાસન તો સ્પષ્ટ કહે છે તમારે સમ્યક્ત્વ પ્રાપ્ત કરવું છે? તમારે શ્રાવક બનવું છે? તમારે સાધુ બનવું છે? તમારે કેવલજ્ઞાન પ્રાપ્ત કરવું છે? તો સૌ પ્રથમ સમતા સાથે દોસ્તી કરો. સમતા સાથે મિત્રતા કરો... સમતા સાથે મિત્રતા એટલે જગત અને જગત જીવો માટે
ક્યારેય ફરિયાદ નહિ.. હું જયાં સુધી કોઇની ફરિયાદ કરું છું... કોઈને ખરાબ કહું છું.. કોઈનું અપમાન કરું છું... કોઇનો તિરસ્કાર કરું છું... ત્યાં સુધી સમતા મારા આત્મા મંદિરમાં પ્રવેશ કરતી નથી. સમતાએ આત્મમંદિરમાં પ્રવેશ કર્યો. એટલે પ્રશ્નો ઓછા... પ્રવૃત્તિ ઓછી ! શંકા ઓછી ! હેમ ઓછો! ધાંધલ-ધમાલ તો દૂર જ ભાગી જાય... સમતા એટલે અનંત તીર્થકર સાથે સંબંધ કરાવનાર આધ્યાત્મિક શક્તિ ગુરુદેવ ! અમને તપની વિધિ ખબર છે... જપની વિધિ ખબર છે. પૂજાની વિધિ ખબર છે... પ્રતિક્રમણની વિધિ ખબર છે. પણ સમતા પ્રાપ્તિની વિધિ ખબર નથી.
પ્રભુ! સાચું કહું... સમતાની અગત્યતા લાગી નથી.
સાધક ! તું પાણીની અગત્યતા ન સમજે એટલે શું પાણીનું મૂલ્ય ઓછું ! તું હવાની અગત્યતા ન સમજે એટલે હવાનું મૂલ્ય ઓછું ! અધ્યાત્મ જગતનો પ્રારંભ સમભાવથી થાય છે. અનંતાનુબંધી કષાયન
