________________
૪૨
શ્રી લબ્ધિ પ્રતિક્રમણ સૂત્ર ચિંતતિકા આપ સમક્ષ કબુલ કરું છું. તેમાં નવાઈ નથી કરતો.. કંઈ અપૂર્વ કે અલૌકિક કરતો નથી. .
પણ, ગુરુદેવ! આપ મને જાણ્યા પછી સમજ્યા પછી અપૂર્વ અને અલૌકિક કરવાના છો. આપ ક્યારેય પાપીનો તિરસ્કાર કરતા નથી. પાપીની ઉપેક્ષા કરતા નથી... પણ, પાપીને પુણ્યશાળી બનાવો છો. અપવિત્રને પવિત્ર બનાવો છો. અશુધ્ધને .. વિશુધ્ધ બનાવો છો. રાગીને વિરાગી બનાવો છો... વિરાગીને વિતરાગી બનાવો છો. ભંતે! “ગરિહામિ”.. હું મારા પાપોની આપની પાસે કબુલાત કરું છું તે પણ મારા આત્માના મંગલ માટે.. આપને મારી અયોગ્યતામાં રસ નથી. આપ તો મારા આત્માને યોગ્ય બનાવવા કિમિયાગર છો..
ગુરુદેવ! ફરમાવો... પાપ કર્યું... ગુન્હો કર્યો... પણ, આપના ચરણમાં... શરણમાં આવી અભયના વરદાન માંગુ છું... હે ગુરુદેવ! હવે ક્રોધ, માન, માયા, લોભ મને તોફાની નો સરદાર ના બનાવે...
ગુરુદેવ ! રૂપ, રસ, ગંધ, સ્પર્શ શબ્દ મને ના સતાવે... મારા એકલાની તાકાત નથી... વિષય - કષાયની ગુંડા ટોળી ઉપર હું વિજય મેળવી શકું? આપના સાંનિધ્યમાં જ વિષય- કષાય મારાથી દૂર ભાગશે આપ જ મને બચાવી શકશો.
ઓ તારક ગુરુદેવ ! ઓ ઉધ્ધારક ગુરુદેવ ! આપ જે મારા આત્માના જતન કરી શકશો... આપ જ મારા ગુણોના રખવૈયા બની શકો છો... મારી તાકાત પરિમિત છે. મારા શુભ અધ્યવસાય પરિમિત છે. પતનની ખાઈમાં ફરીન પટકાવું એટલે આપના ચરણમાં આવી મેં બૂમ પાડી... મારી વાત મેં મુક્ત કંઠે કરી... મારી ભૂલોની કબુલાત કરી... આપ પાસે પાપથી ડરીને આવ્યો છું પણ આપ ડરાવનારનાયક નથી પણ આપ તો મારા જેવા અનેક શિષ્યના વાત્સલ્યમય ગુરુદેવ
