________________
૧૬
શ્રી લબ્ધિ પ્રતિક્રમણ સૂત્ર ચિંતતિકા
પસાર થઇ? આપનો તપ સુખપૂર્વક ચાલે છે? આપનું શરીર પીડારહિત છે ? હે ભગવંત ! આપની સંયમયાત્રા સુખપૂર્વક ચાલી રહી છે ?
જીવન તો પશુ-પક્ષીનું પણ છે. માનવનુંય છે અને મહામાનવનુંય
-
છે. દિવસો – રાત્રિ – પક્ષો – મહિના – વર્ષોને યુગો તો પસાર થતાં રહે છે. કાળની ગતિ વણથંભી છે. કાળ ઉપર કોઇ આજ્ઞાનું સામ્રાજ્ય જમાવી તેને રોકી શકતું નથી.
જીવવું અલગ છે ! જીવનને યાત્રા બનાવવી અલગ છે ! જીવનને સંયમયાત્રા બનાવવી તે સાધના છે. જીવનને સુખમય સંયમયાત્રા બનાવવી તે ફક્ત જીવન કળા નહિ સર્વોત્તમ કળા છે. ફક્ત સાધના નથી. સિધ્ધિ છે.
સામાન્ય વ્યક્તિને પૂછે તમારી રાત્રિ સુખપૂર્વક પસાર થઇ ? તુરંત જવાબ મળશે. અરે ભાઇ ! રાત્રિ માટે શું પૂછવાનું ? આપણે તો સુતાને સીધી રાત. ઘસઘસાટ ઊંઘી નાખ્યું. કુંભકર્ણના સહોદર બની રાત્રિ પસાર કરી લીધી.
સામાન્ય વ્યક્તિની અર્ધી જીંદગી નીંદમાં જાય છે. જેની અર્ધી જીંદગી નીંદમાં જાય તેને અર્ધી જીંદગીમાં જાગૃતિ આવે ? ક્યારેય ન આવે. આખી જીંદગી ઘેનમાં – અજ્ઞાનમાં પસાર થાય.
સાધુની રાત્રિ... મહાત્માની રાત્રિ... નીંદ માટે નહિ. ગપ-સપ માટે નહિ. પ્રમાદ માટે નહિ. શરીરને જરૂર હતી તેટલી નીંદ લેવાની - મનની પ્રસન્નતા થાય તેટલી નીંદ લેવાની. સાધુની નીંદ જાગૃતિ માટે. તેથી જ સાધુ નીંદ લેતા પહેલાં મનની શાંતિની પ્રક્રિયા સમી સંથારા પોરિસીની પ્રાર્થના કરે છે.
જાગતાં - જીવનચર્યા કરતાં વીતરાગ ન બની શક્યો. પ્રભુ ન
ܕ
