________________
૧૪
શ્રી લબ્ધિ પ્રતિક્રમણ સૂત્ર ચિંતતિકા ક્ષમા માતાનો પુત્ર જ અનંતગુણનો ધારક બની શકે છે.
ક્ષમા સિદ્ધ કરવાનો પ્રયત્ન એટલે
આત્મશાંતિની અદ્દભુત ક્રિયા વિશ્વના સમસ્ત જીવોનો શાંતિના મહાસાગરમાં મહાલવાની પ્રક્રિયા... ક્ષમાશીલ ખુદ શાંતિનો દેવદૂત છે. સૌને શાંતિના દેવદૂત બનવાનો માર્ગ ચીંધે છે.
ઓ ક્ષમાશ્રમણ ,
ઠંડુ જલવાળું સરોવર તો દૂર હોય છે. પણ તેનો દૂરથી આવતો પવન પણ પથિકને શાંતિ-શાતા અર્પે છે. મહાત્મા! સાચું કહું આપના સાંનિધ્યમાં એક દેવી તત્ત્વ છે. એક આભા છે. એક પ્રભા છે. આપના વાતાવરણે મને ક્ષમાનો ચાહક બનાવ્યો તેથી જ આપના ચરણમાં નતમસ્તકે વંદન કરી પુનઃ પુનઃ આરજુ કરું છું.
ઓ મારા ગુરુદેવ ક્ષમાશ્રમણ..!
આપનો-ઉપાસક પણ ક્ષમાશ્રમણ બને... ક્રોધ અને ક્રોધના સમસ્ત કાંટાઓને દેશવટો આપવાની શક્તિ પ્રદાન કરો... મારી ક્રોધની દાસ્તાન આપની પાસે શું કહું? એ કાળીકથની કહેતાં પણ શરમાઉં છું. લજાઉ છું. ક્રોધ-ગુસ્સો-આવેગ-આવેશ મને ક્યાં આવે શું નકરાવે મારું શું લઈ લે પ્રભુ! પ્રભુ! ઓ ગુરુદેવ! આપના બાળકને બચાવી લો, ક્રોધની જ્વાળાથી.. બસ મને ક્ષમાના અમૃતકુંડમાં સ્નાન કરાવો...
હે ક્ષમાશ્રમણ ગુરુદેવ! મયૂએણ વંદામિ...
*
*
*
*
*
