________________
૧૦
શ્રી લબ્ધિ પ્રતિક્રમણ સૂત્ર ચિંતતિકા ગુરુને વંદન કરવાનું મન થાય છે. દેવના વંદન કરવાની ઇચ્છા થાય છે. પચ્ચખાણ કરવાની ઇચ્છા થાય છે. પાંપથી પાછા હટવાની ઈચ્છા થાય છે. કાઉસ્સગ્ન કરવાનું મન થાય છે. ,
સામાયિક - ચતુર્વિશતિસ્તવ- વંદન - પ્રતિક્રમણ - કાઉસ્સગ્ન -પચ્ચખાણ સવારે અને સાંજે કરવાનું મન થાય છે..
આપની પાસે સૂત્ર લેવાનું મન થાય છે. આપની પાસે અર્થ વિચારવાનું મન થાય છે. આપની પાસે આશીર્વાદ લેવાનું મન થાય છે. આપની હિતશિક્ષા ગ્રહણ કરવાનું મન થાય છે - તેથી મારી નાભિમાંથી નાદ પ્રગટ થાય છે. “ઈચ્છામો અણુસદ્ભિ” હે ભગવાન! હું આપના અનુશાસનને ઇચ્છું છું.
ભગવંત ! મારા અંતરની એક આરજુ છે. હું દરેક બાબતમાં એક જ શબ્દ બોલું છું. ઈચ્છામિ. ઇચ્છામિ... પણ મારા અંતરની વાત જુદી છે. હું અણસમજું છું. એટલે સુયોગ્ય ભાષા નથી આવડતી પણ મારું દિલ ખૂબ કોમળ છે. આપની કૃપા આપના જ્ઞાને હું આપના શરણમાં રહેવા ઇચ્છું છું. પણ બોલું છું ઇચ્છામિ... ભગવંત મને માફ કરજો. મારે મારી ઇચ્છાનું સામ્રાજ્ય ચલાવવું નથી. હું આપની આજ્ઞા ઇચ્છું છું. આપની આજ્ઞા મારું કલ્યાણ કરશે. મંગળ કરશે એવો મારો આત્મવિશ્વાસ છે. બોલુ છું. ઇચ્છામિ પણ મારો ભાવ છે આપના તપત્યાગ-જ્ઞાન ધ્યાનથી પવિત્ર વાતાવરણ દ્વારા મને ધન્ય બનાવો.
ગુરુદેવ! મારા શબ્દ સામું ન જુઓ, પણ મારા ભાવને આપ નિહાળો. “આપની આજ્ઞાનું પાલન કરી પવિત્ર બનું” એ જ મારો ખાશય છે. સ્વીકારજો આપના ચરણમાં આ શિષ્યને...
**** *
