________________
છાણિી
હું ઇચ્છું છું. હું ચાહું છું. મને ગમે છે. મારી ભાવના છે. મારી ઝંખના છે. ઇચ્છા - ચાહના -ઝંખના પૂર્ણ કરવા આકાશ-પાતાળ એક કરાય છે. જીવ સટોસટીના ખેલ ખેલાય છે
મહાભારત કે ભરત બાહુબલીના યુધ્ધ નાના છે. પણ ઇચ્છાનું યુધ્ધ - ઇચ્છાનો રણ સંગ્રામ મહારથીને હંફાવી દે છે. થકવી દે છે.હારીથાકી માનવ ખુદ વિનાશને નોતરે છે.
પણ... આ ઇચ્છા - મહેચ્છા - મહત્ત્વાકાંક્ષા શાથી પેદા થાય? કર્મના ઉદયે ... ક્યાં કર્મના ઉદયે ઇચ્છા થાય... મોહનીય કર્મના ઉદયે - મોહનીય કર્મની માયાજાળ દશ મસ્તકવાળા રાવણની સંહારલીલા જેવી ભયંકર છે.
ઇચ્છા ક્યારે પૂર્ણ થતી નથી – એક ઇચ્છા પૂર્ણ કરો ત્યાં જાદુઈ ચિરાગની જેમ લાખો કરોડો ઇચ્છાનું તાંડવ ખડું થાય. કઇ ઇચ્છાને સંતોષવી - ઇચ્છા – અનંત ... ઇચ્છાની આગ અનંત... ઇચ્છાની પૂર્ણાહુતિ ક્યારેય ન થાય...
તમે ઇચ્છા મોહનીય કર્મથી પેદા થાય તેમ કહો અને ધર્મશાસ્ત્રમાં પણ ઇચ્છાને સ્થાન છે - ઇચ્છામિ ખમાસમણો - ઇચ્છામિ પડિક્કમિઉં... ઇચ્છામિ ઠામિ કાઉસગ્ગ... આ શું સમજાતું નથી. ઘણા કહે છે. ધર્મ ઇચ્છાથી કરવાનો કોઇના કહેવાથી નહિ. કોઇના આગ્રહથી નહિ -આમ પરસ્પર વિરૂધ્ધ ચાલતી વાતો મને બિલકુલ સમજાતી નથી.
અમારા સૂરિપુરંદર હરિભદ્ર સૂ.મ.સા. પણ ત્રણ યોગ દર્શાવે
