________________
શ્રી લબ્ધિ પ્રતિક્રમણ સૂત્ર ચિંતતિકા
૧૬૮
રાગના કારણ છોડતાં વાર ન લાગે.
દીન-હીન વૃત્તિ તો પ્રભુનુ શાસન મળ્યું ત્યારે જ ત્યાગી દીધી છે. જગત જીવો સાથે સંબંધ મારા આત્માનાં લાભ માટે નથી. હું સંબંધ રાખુ કે સંસારી સંબંધ રાખે - આ તો કાજળની દોસ્તી, કાજળ હાથ કાળા કરે. કર્માધીન આત્મા કર્મબંધથી યુક્ત રહે - મારા આત્મામાં અરિહંત મંગલરૂપે બિરાજયા છે. લોકોત્તમ રૂપે મેં સ્વીકાર્યા છે. તેથી જ તેમની શરણાગતિમાં મારા આત્માને સુપ્રત કરું છું. ક્યારેક નિદ્રા પૂર્વે મનમાં થાય છે. ભલા... જરા... તો ગજસુકુમાલ બની જા. કોઈકવાર તો અરણિક મુનિ બની જા. કોઇકવાર તો વૈભારગિરિ ઉપર ધન્ના-શાલિભદ્રની અણસણ ભૂમિનો પ્રવાસી બની જા ... ક્યારેક તો ચૈત્રી પૂર્ણિમાએ સિદ્ધાચલ ઉપર પાંચ કરોડ મુનિવરની બાજુમાં તારો સંથારો જોવાની કોશિશ કર.
ગુરુવર ! મનની એક વાત કહું નિદ્રા પહેલા શુભ ભાવ જોઇએ એટલા આવતા નથી. પણ સ્વપ્રમાં સમેતશિખરની યાત્રા થાય છે. વીસ તીર્થંકર ભગવંતની કૃપાએ પાર્શ્વનાથહીલના પગલાં પાસે અણસણ સ્વીકારું છું તે પણ પાદોપગમનઅણસણ .... આવા શુભ ભાવ આવે છે. પણ મારા મનની વ્યથા ભયંકર છે. નિદ્રામાં આવેલું વીતરાગિતાનું અદ્ભુત સ્વપ્ર આંખ ખુલતા ખોવાઈ જાય છે. અને પછી મારો આત્મા રાગ – દ્વેષની સાંકડી ગલીમાં અટવાઈ જાય છે.
સંથારા પોરિસિ દ્વારા પ્રાપ્ત થયેલ આત્માનું અનુશાસન દિન – રાત જાવજજીવ ક૨વાનું છે. ઘણા આયોજન – સંયોજન કરનાર મારો આત્મા અખંડ અવિરત આત્માનું અનુશાસન કરી શકતો નથી. પ્રભુ!
