________________
શ્રી લબ્ધિ પ્રતિક્રમણ સૂત્ર ચિંતતિકા
―――
૧૪૧
ઓ વાત્સલ્ય-સાગર ગુરુદેવ ! આપ કેટલા સરળ કેટલા વાત્સલ્યના ભંડાર શાકંભરીના શ્રાવકો આપની પાસે ઉપદ્રવ નિવારણ માટે વિનંતિ લઈ આવ્યા તુરંત જ શીઘ્ર સકલ સંઘના મંગલ માટે લઘુશાંતિની રચના કરી આપી. આપ મંત્ર સિદ્ધ તો ખરા. .. પણ આપ વાત્સલ્ય સિદ્ધ મહાત્મા ! નહિ ફરીવાર આવજો. હમણાં નહિ. આજે નહિ કાલે, કાલે નહિ પ૨મ દિવસે.
ઓ પ્રભુ જેવા ગુરુ ! મારા તો કેટલા નખરા.... જ્ઞાન ઓછું ને અભિમાન ઘણું, કામ કશું નહિ અને દેખાવ દુનિયાભરનો... પ્રભાવ જરાય નહિ પ્રચાર પાર વગરનો – વાત્સલ્ય જરા ય નહિ અને દેખાવ કરુણા સાગરનો... શાસ્ત્રજ્ઞાન નહિ અને વાતો તો મોટી મોટી શાસ્ત્રની. માનદેવસૂરિ મ. મારી ઉપર કૃપા કરો. મારી કઠોરતા હટાવો મને કોમળ બનાવો – મારી મમતા હટાવો નિર્વ્યાજ વાત્સલ્યનું દાન કરતા શીખવો. હું પણ સ્નેહ પ્રેમ વાત્સલ્યના ઢોંગ કરું છું. પણ મારો સ્નેહ - પ્રેમ વાત્સલ્ય સીમિત છે. મારા તારામાં વહેંચાયેલ છે. ખરડાયેલ છે. કોઈ અજાણ્યા કોઈ દુઃખી કોઈ પીડિતને જોઈ દ્રવી ઉઠું. કોઈના દુ:ખે હૈયું સ્નેહથી ભીનું બની જાય. જ્યાં આશ્વાસનની જરૂર છે. ત્યાં હૃદયનું સાચું આશ્વાસન આપું. પણ તત્ત્વજ્ઞાનની ફીલોસોફી ના સંભળાવું. જ્યાં સાથ સહકાર મદદની જરૂર છે ત્યાં પાપ પુણ્યની કથા કરવા ના બેસું.
પ્રભુ ! આપ તો મંત્રસિદ્ધ મહાત્મા. આપના મુખમાંથી જે શબ્દ નીકળ્યો તે જ મંત્ર બની ગયો. આપ જેવા મહાન શક્તિના સ્વામી પાસે નતમસ્તકે વિનંતિ - મારા હૃદયમાં કોઈ વ્યક્તિ પ્રત્યે
