________________
૧૩૪
ચિંતતિકા
શ્રી લબ્ધિ પ્રતિક્રમણ સૂત્ર સાધર્મિક અમે તમારી અનુમોદના કરીએ છીએ તમારામાં રહેલ વૈયાવચ્ચના ભાવની... શાંતિ કરવાની ભાવના' અને સમાધિમાં સહાયક થવાના ઉત્તમ ગુણની સ્તુતિ કરીએ છીએ ઉપબૃહણા કરીએ છીએ. તમારામાં સમસ્ત દેવલોકમાં રહેલ સમસ્ત દેવોમાં આ શુભભાવ જાગ્યો શ્રદ્ધાના બળે - સમ્યક્ત્વના બળે તેથી આ સ્તુતિ દેવની સ્મૃતિ માત્ર નથી. દેવભવમાં રહેલ સમ્યક્ત્વ ગુણ ની અનુમોદનાની છે.
જિન શાસનની કેટલી વિશાળતા છે ! મિથ્યાત્વને પણ પહેલું ગુણસ્થાનક કહ્યું અને સમજાવ્યું. ત્યાં પણ જે આત્મા સમ્યક્ત્વાભિમુખ રહેલ છે તેઓની ગણના કરવી. પ્રભુ તારું શાસન એટલે ક્યાંય પણ રહેલ ગુણોને શોધવો . ગુણોની શોધ કરવી. પાક્ષિક પ્રતિક્રમણ જેવી ધર્મવિધિમાં સ્મૃતિ શાસનદેવની... શાસન દેવને યાદ... પણ ઇચ્છા ચાહના, ઝંખના એક જ "શિવં સદા સર્વ સાધૂનામ્" મારા તારા, મારો ગચ્છ તારો ગચ્છ, મારો સંપ્રદાય તારો સંપ્રદાય આ બધી સાંકડીગલીની વાત નહિ. વિશાળ ભાવના સર્વ સાધુના શિવની
ભાવના.
ગુરુવર ! પ્રભાવ તમારો; ભાવ મારો એક જ ભાવના "શિ સદા સર્વ સાધૂનામ્ " સાધુજનના મંગલથી વિશ્વનું મંગલ - વિશ્વમંગલ એ જ જૈન શાસનનો મંગલ ધ્વનિ.
ગુરુવર ! હું શિવ ભાવના યુક્ત બનું એ જ આશિષ આપો - શિવચાહક - શિવ આશક બનું એ જ પ્રાર્થના.
