________________
શ્રી લબ્ધિ પ્રતિક્રમણ સૂત્ર ચિંતતિકા
૧૨૫
- વંદનીય - પૂજનીય. આભાવ સ્થિર રહે તો ક્ષમા કરવા યોગ્ય મારો આત્મા બન્ને અન્યથા ગણધર ભગવંતના સૂત્રો સાથે મેલી રમત રમનાર દુષ્ટાત્મા.
અતિ ઉત્તમ છે... સર્વશ્રેષ્ઠ છે... સર્વોત્તમ છે ... જિનેશ્વર ભાષિત સૂત્રો - પુનઃ પુનઃ રટણ ચાલે છે. "ભાવઓ ધમ્મ નિહિ નિયચિત્તો" આ જગતના ચોગાનમાં બેસી આખી દુનિયાને પ્રમાણપત્ર આપ્યા છે. યોગ્યતા અને અયોગ્યતાનો માપદંડ મારા હાથમાં હોય અને મારામાં જ હોય તેમ. વીતરાગ સર્વજ્ઞ ભગવંતો પણ ફરમાવે ગુસ્સો કરે અઢાર પાપસ્થાનક આચરે તો નરકે જવું પડે. મારા અધમ આત્માએ તો કેટલા સાથે હલકો વ્યવહાર કર્યો. તું નરકગતિમાં જઈશ તિર્યંચ ગતિમાં જઇશ – આ બધા અશુભ અધ્યવસાય સામે "ભાવઓ ધમ્મ નિહિઅ નિયચિત્તો" પદ લાલબત્તી ધરે છે. ફુંક જા... નિયચિત્તો ખુદના હૃદયમાં ભાવથી ક્ષમાધર્મની સ્થાપના કરી. હવે ક્ષમાપના કરવા જાવ, જીવમાત્ર સાથે તું ક્ષમાપના કરી શકીશ., સફળ ક્ષમાસાધક બનીશ, તારે હવે કોઈ સાધના, નહિ કરવી પડે. સર્વસિદ્ધિ તારી અનુચરી બનશે.
ગુરુવર ! આપના ચરણ અને શરણમાં આવ્યો છું. સિદ્ધિ પ્રસિદ્ધિ નથી જોઈતી. મારે જોઈએ મારા હ્રદયમાં ભાવથી ધર્મ પ્રતિષ્ઠા. આપ મારા પ્રતિષ્ઠાચાર્ય ગુરુદેવ ! મને એક જવાબ આપવા કૃપા કરો. મારા મનો મંદિરમાં ક્ષમા ધર્મની પ્રતિષ્ઠાનો શુભ દિન શુભ ઘડી મુહૂર્ત ક્યારે આવશે ? ફ૨માવો... હું ઉત્સુક છું. ઉત્સાહ મારો.... આશીર્વાદ આપના......
