________________
૧૨૦
શ્રી લબ્ધિ પ્રતિક્રમણ સૂત્ર ચિંતતિકા ગંગાજળનો અભિષેક મારા શિર પર થઈ રહ્યો છે. મન શાંત બને. ક્યારેક પ્રશાંતિ અનુભવાય.. ગુરુચરણને પકડી ફરી પૂછું... ભગવંત! મને કહો, ફરમાવો મન અને પાંચ ઈન્દ્રિય દ્વારા આપ કેમ હેરાન થતાં નથી? આપને ઇન્દ્રિય ટોળકી દુઃખી કરી શકતી નથી. શું કારણ?
મારા પ્રિય શિષ્ય! તું શાંત બન... પ્રશાંત બન! શાંતિસાગરમાં સ્નાન કર. તારી પાસે પણ ભાવના છે. વિશુધ્ધ આત્મ અધ્યવસાય છે. વીતરાગ બનવાની તમન્ના છે. પણ તું.. કેમ હેરાન-પરેશાનઅશાંત. વીતરાગ વર્ધમાન માટે જે જગતું હતું તે તારી પાસે છે. વીતરાગ વર્ધમાન અને સમસ્ત તીર્થકરો સમસ્ત મહાપુરુષો પાસે જે મન અને ઇન્દ્રિય છે તે જ તારી પાસે છે.
- સાધન ઘણાની પાસે હોય પણ સાધનના ઉપયોગની કળા વિરલ વ્યક્તિઓ પાસે જ હોય છે.
અજન્ટા-ઇલોરામાં ભવ્ય કલા સૃષ્ટિ ખડી કરનાર કલાકાર કલાની સામગ્રી દેવલોકમાંથી લાવ્યા ન હતા. પૃથ્વી પરના પદાર્થનો જ તેમણે ઉપયોગ કર્યો છે. કલાકારના હાથમાં રંગ આવે અને ભવ્ય કલાસૃષ્ટિ ખડી થઈ જાય. પાગલના હાથમાં રંગ આવે અને ભૂત બની જાય. મન અને ઇન્દ્રિય મળવાથી મહાન બનાતું નથી પણ ઉપશમના પ્રકાર વડે તેને પીડા રહિત કરવાનું હોય છે.
મન અને ઇન્દ્રિયને ઉપશમ વડે અવ્યથિત રાખવું તે જ જવણિજ્જ – યાપનીય
ગુરુદેવ! આપ મન અને ઇન્દ્રિયોને શમ - પ્રશમ શાંતિ વડે
