________________
૨૦
ણિ ચા ભ
ભગવંત ! આપની યાપનીય અવસ્થા છે. આવશ્યક ક્રિયામાં ઇચ્છામિ ખમાસમણોમાં જાવણિજ્જાએ. સુગુરુ વંદન સૂત્રમાં જાવણિજ્જાએ અને પછી શબ્દ આવે છે જવણિજર્જ (યાપનીય)
સંયમ જીવનના પ્રાથમિક વર્ષોમાં ઘણા શબ્દોના અર્થ એકવાર કહે અને યાદ રહી જાય અને જ્યારે જ્યારે સૂત્ર બોલાય ત્યારે ત્યારે સૂત્ર અર્થ પૂર્વક બોલાય. સૂત્રના અર્થ સમજાય. યાદ આવે એટલે સૂત્ર બોલતાં એક આનંદ ઉર્મી આવે.
વિ.સં. ૨૦૦૭ મું વર્ષ હતું. ગુજરાતના ઇડર ગામમાં ચાતુર્માસ હતું. દીક્ષાનુ બીજુ વર્ષ વાત્સલ્ય વારિધિ પૂ. દાદા ગુરુદેવ લબ્ધિસૂરીશ્વરજી મહારાજ સાહેબની નિશ્રામાં થયું. પૂ. જ્ઞાન સાગર ગુરુદેવ વિક્રમ સૂરીશ્વરજી મહારાજ સાહેબ આજીવન ગુરુનિશ્રા સેવી તેઓ પણ ત્યાં જ હતાં. પૂ. પાદ તારક ગુરુદેવોની સાથે આલાપ - સંલાપ વાર્તાલાપ કરવાનું ગજું ક્યાં ? એ દિવ્ય આત્મ પ્રભા દૂર દૂરથી માણવાનો પ્રયત્ન કર્યો. પૂજ્યશ્રીને વંદન કરવા જઈએ. પ્રવચનમાં જઈએ. વાંચનામાં જઈએ. પ્રવચન સમજવા જેવી કે, વાંચના સમજવા જેવી બૌદ્ધિકતા નહિ પણ કોણ જાણે કોઈ જન્મ – જન્મના ઋણાનુબંધ કે તે બંને મહાપુરુષોની પ્રભા છાયામાં અનેરી શાંતિનો અનુભવ થાય.
