________________
૧૧૪
શ્રી લબ્ધિ પ્રતિક્રમણ સૂત્ર ચિંતતિક ––––––––––––––
તત્ત્વજ્ઞાની-અધ્યાત્મીની વાત અનેરી છે. તે કહે છે મારે એવું બોલવું છે એવું સાંભળવું છે. જેનાથી શ્રોતા અને વક્તા બંનેનું મંગળ
થાય.
સજ્જનો - ચિંતકો - તત્વજ્ઞ જીવનને ધન્ય બનાવવા ઇચ્છે છે. એટલે સમયનો સદ્ઉપયોગ કરે છે. આ મહાનુભાવો ક્યારે પણ સમયનો દુરુપયોગ કરતા નથી. તેઓ સમયનું આયોજન કરે છે. સંયોજન કરે છે. સમય - કલાકો – દિવસો દ્વારા જીવનને ધન્ય પુણ્ય
બનાવે છે.
શ્રાવકોનો, જિનભક્તોનો મંગળ ઉદ્દઘોષ છે. "ચઉવીસ જિણ વિણિમય કહાઈ વોલંતુ મે દિઅહા" મારા જીવનને સફળ કરવાનો મંગલમાર્ગ એક જ છે. તીર્થંકર પરમાત્માએ ફરમાવેલી કથા શ્રવણ કરવી. તીર્થંકર પ્રભુ સર્વજ્ઞ છે. વીતરાગ છે. તેથી તેમની કહેલી કથા વૈરાગ્ય ઉત્પન્ન કરનારી હોય - વિશુદ્ધ કરનારી હોય. વીતરાગ બનાવવાની ક્ષમતા તેમાં હોય.
કથા શબ્દનો અર્થ વાર્તા – જેટલો ટુંકો લેવાનો નથી. વીતરાગનું પ્રવચન - વીતરાગનો હિતોપદેશ - વીતરાગીની વાણીના સંપર્ક વડે મારા દિવસો ફક્ત પસાર થતા નથી. મારી જીંદગી ધન્ય પુણ્ય બને છે.
મારો સંકલ્પ છે. મારું અસિધારા વ્રત છે. તીર્થંકર પ્રભુની દેશના વડે મારા જીવનને ધન્ય બનાવીશ. મારી આંખો સામે કલ્પના ચિત્ર ખડું થાય છે. દુંદુભિનો દિવ્યનાદ સંભળાઈ રહ્યો છે. સમવસરણમાં અશોક વૃક્ષ નીચે પ્રભુ બિરાજયા છે. પ્રભુ ધીર ગંભીર
