________________
/૪
૧ ––––––––––
શ્રી લબ્ધિ પ્રતિક્રમણ સૂત્ર ચિંતતિકા
––––– પ્રભુ મલ્લિનાથ..... આપની ઝડપ, આપની શીધ્ર કાર્ય શક્તિ, કેટલી મનની શક્તિ વિકસિત કરી. એકજ દિવસમાં બે મહાન સિદ્ધિ.
મારા દિવસ નહિ જીવન અંગે વિચારું છું. મેં શું પ્રાપ્ત કર્યું. અનાદિની આહાર - ભય - મૈથુન અને પરિગ્રહ સંજ્ઞા. શું ધર્મ સંજ્ઞા મારામાં પ્રગટ જ નહિ થાય?
ઓ મલ્લિનાથ પ્રભુ ! તમે તો રેસ લગાવી. બધા તીર્થંકર પ્રભુથી આગળ દોડી ગયા. એક જ દિવસમાં દીક્ષા અને કેવલજ્ઞાનની પ્રાપ્તિ.
પ્રભુ ! હું શું કરું? હસી શકતો નથી. રડી શકતો નથી. મારી કથા કરૂણ છે. જે મન આપને મળ્યું તે જ મને મળ્યું છે. મનોવર્ગણાના પુદ્ગલમાં શું ફેર? '
આપનું મન આપને સાધનાના શિખર આરોહણ કરાવે અને મારું મન મને વિરાધનાની ઊંડી ખાયમાં કેમ લઈ જાય છે? એક દિવસ એટલે ચોવીસ કલાકનો સમૂહ... એક કલાકની ૬૦ મીનીટ. એક મીનીટમાં તો અસંખ્ય સમય પસાર થઈ ગયા.
પ્રભુ કૃપા કરો.... મને મનનો માલિક બનાવો.... મારા મનને મહાન બનાવો...
દેવસિહું આલોઉં સૂત્ર બોલું અને હું વિચાર કરું છું... શું મારામાં વિચારની શક્તિ છે? મારો ઇતિહાસ ગરબડ ગોટાળાવાળો છે. ક્રોધ - માન - માયા - લોભથી ખરડાયેલ છે. પ્રમાદ, આળસ મને ભરખી ખાય છે.
પ્રભુ ! મારી ધૃષ્ટતા.... મને કોઈ કહે આમ શું દિવસ બગાડે
