________________
૯૪
શ્રી લબ્ધિ પ્રતિક્રમણ સૂત્ર ચિંતતિક પણ પ્રભુ સૂત્ર અને સૂત્રના અર્થ કંઈક ક્યારેક મારા હૃદયને સ્પર્શી જાય છે. હૈયાના હેતથી અંતરના આદરથી ક્યારેક ભક્તિ ભાવમાં લીન બની સૂત્ર પાઠ કરૂં છું. સિદ્ધસ્તવનો પાઠ કરતાં 'નમો સયા સવા સિદ્ધાણં' પદ આવે છે. ત્યારે ચૌદ રાજલોકના અગ્રભાગ ઉપર રહેલી અતિનિર્મળ અતિ પવિત્ર સિદ્ધશિલાના દર્શન થાય છે. અને અનંત અનંત સિદ્ધાત્માનો સાક્ષાત્કાર થાય છે.
મારી કલ્પના પહોંચે ત્યાં સુધી સિદ્ધ ભગવંતની લાંબી કતાર દેખાય છે. નિરંજન નિરાકાર-પૂર્ણ સિદ્ધાત્માની સૃષ્ટિમારી ભાવનાની સૃષ્ટિમાં ખડી થાય છે. મારા મુખમાંથી પુનઃ પુનઃ એક જ શબ્દ નીકળે છે, 'નમો સયા સવૅસિદ્ધાણં' ક્યારેક કોઈ પૂછી લે છે. તમારું સિદ્ધાણં બુદ્ધાણે ક્યાં સુધી ચાલશે . હું કહું છું..... હું બોલું છું ને તમે થાકી જાવ છો. મારી વાત સાંભળો.... મારી ભાવના તો અનંત વાર.... નમો સયાં સવ્વ સિદ્ધાણં બોલવાની છે. ક્યારેક મનમાં વિચાર આવે છે. સિદ્ધપદ પ્રાપ્તિ એ મારો મુદ્રા લેખ છે. જીવન સિદ્ધ અધિકાર છે. જયાં સુધી સિદ્ધ ન બને ત્યાં સુધી આ એક જ મંત્ર રટયા કરીશ.
સિદ્ધાણં બુદ્ધાણં સૂત્રની આ પંક્તિએ મારા મન પર કામણ કર્યું છે. સિદ્ધ પદની મને મોહની લાગે છે. ઘેલું લાગ્યું છે.
પૂ. દાદા ગુરુદેવ લબ્ધિ સૂરીશ્વરજી મ.સા. ના વ્યાખ્યાનનું પુસ્તક વાંચ્યું. “સિદ્ધપદ વિવેચન' જગતના બધા પદ પદવીઓનો મોહ ઉતરી ગયો. સિદ્ધત્વનું સ્વરૂપ સમજમાં આવ્યું નહતું. ત્યારે મનમાં એટલા બધા સંકલ્પ-વિકલ્પ થતા હતા. શું કરું અને શું ના કરૂ? જેને જોઉં તેના જેવા બનવાનું મન થતું. એ કલ્પનામાં પણ આનંદ આવતો હતો. એકવાર એક લેખિત સ્પર્ધા હતી. તમે શું બનવા ઇચ્છો છો. તે ચોવીસ લાઇનના નિબંધમાં લખો. એટલા પાત્રો મારી આંખ સામે
