________________
શ્રી લબ્ધિ પ્રતિક્રમણ સૂત્ર ચિંતતિકા
૯૦
આળસ, મન, વચન અને કાયાનો દુરુપયોગ.
ક્યારેક ક્યારેક પ્રમાદના આઠ ભેદ ઉપર મનમાં એટલું ચિંતન ચાલે છે.....
આ વિચિત્ર પ્રમાદ માટે હું એક રસ્તો બંધ કરૂં છું તો બીજા રસ્તેથી ઘુસી જાય છે. પ્રમાદના એક રૂપને રોકું છું ત્યાં બીજા રૂપે મારા આત્મમંદિરમાં પ્રવેશ કરી મારા આત્મગુણને વેરણ-છેરણ કરી દે છે.....
કોની પાસે જઈ રહું? કોને ફરીયાદ કરૂં? મારા પ્રમાદને રોકો, .ગુરુજનનો દિવ્યનાદ સંભળાય છે.
ધર્મનું રહસ્ય.... જ્ઞાનમાં રમણતા- જ્ઞાનલીનતા આવે તો પ્રમાદને પોબારા કરવા પડે જ.
પરમાત્મા મહાવીર પચાસ હજાર શિષ્યના ગુરુ અનંત લબ્ધિ નિધાન ગુરુ ગૌતમને હાકલ કરે.....
’સમયં ગોયમ મા પમાયએ’
મને કોઈ ના કહી શકે... તું પ્રમાદ ન કર... કોણ જાણે. પ્રભુ ! મારી શું માનસિક સ્થિતિ છે. એક શબ્દ કોઈ મને કહે તો ખરા! સ્પષ્ટ કહી દઉં છું. .... મને કહેવાની જરૂર નથી. મારી આંખો ફાટવા લાગે છે. મારો ભયંકર અવાજ.... મારી ત્રાડ કાચા-પોચાને હચમચાવી દે છે.
આમ કરીને પણ મારૂં મન પોરસાય છે. આનંદ અનુભવે છે... બધાને ચૂપ કરી દીધા... તાકાત કોની છે કે મને કહી શકે ? પ્રભુ ! આ છે મારી માનસિક પરિસ્થિતિ.......
નથી મારા હૃદયમાં પ્રભુ... નથી મારા હૃદયમાં ગુરુ ..
