________________
શ્રી શ્રમણક્રિયાનાં સૂત્રે-સાથે
परिवज्जतो गुत्तो, रक्खामि महव्वए पंच ॥ २२ ॥ दुविहं चरित्तधम्म, दुन्नि य झाणाई धम्मसुक्काई । उवसंपन्नो जुत्तो, रक्खामि महव्वए पंच ॥ २३ ॥ किण्हा नीला काऊ, तिन्नि य लेसाओ अप्पसत्थाओ। परिवतो गुत्तो, रक्खामि महव्वए पंच ॥ २४ ॥ . तेऊ पम्हा सुक्का, तिन्नि य लेसाओ सुप्पसत्थाओ। उवसंपन्नो जुत्तो, रक्खामि महव्वए पंच ॥ २५॥ मणसा मणसच्चविऊ, वायासच्चेण करणसच्चेण । तिविहेण वि सच्चविऊ, रक्खामि महव्वए पंच ॥ २६ ॥ चत्तारि य दुहसिज्जा, चउरो सन्ना तहा कसाया य । परिवज्जंतो गुत्तो, रक्खामि महव्वए पंच ॥ २७ ॥ चत्तारि य सुहसिज्जा, चउविहं संवरं समाहिं च । उवसंपन्नो जुत्तो, रक्खामि महब्बए पंच ॥ २८ ॥ पंचेव य कामगुणे, पंचेव य अण्हवे महादोसे। परिवज्जतो गुत्तो, रक्खामि महव्वए पंच ॥ २९ ॥ पंचिंदियसंवरण, तहेव पंचविहमेव सज्झायं । उपसंपन्नो जुत्तो, रक्खामि महव्वए पंच.॥ ३० ॥ छज्जीवनिकायवहं, छप्पि य भासाओ(उ) अप्पसत्थाओ। परिवज्जतो गुत्तो, रक्खामि महव्वए पंच ॥ ३१ ॥
