________________
શ્રી શ્રમણકિયાનાં સૂત્ર-સાથે भोअणे असणे वा पाणे वा खाइमे वा साइमे वा, खित्तओ णं राईभोअणे समयखित्ते, कालओ ण राईभोअणे दिआ वा राओ वा, भावओ ण राईभोअणे तित्ते वा कडुए वा कसाए वा अंबिले वा महुरे वा लवणे वा रागेण वा दोसेण वा । जं मए इमस्स धमस्स केवलिपन्नत्तस्स अहिंसालक्खणस्स सच्चाहिडिअस्स विणयमूलस्स खंतिप्पहाणस्स अहिरण्णसोवनिअस्स उवसमपभवस्स नववंभचेरगुत्तस्स अपयमाणस्स भिक्खावित्तिअस्स कुक्खीसंबलस्स निरग्गिसरणस्स संपक्खालिअस्स चत्तदोसस्स गुणग्गाहिअस्स निविआरस्स निवित्तिलक्वणस्स पंचमहव्ययजुत्तस्स असंनिहिसंचयस्स अविसंवाइअस्स संसारपारगामिअस्स निव्वाणगमणपज्जवसाणफलस्स पुव्वि अन्नाणयाए. असवणयाए अबोहि(आ)ए अणभिगमेणं अभिगमेण वा पमाएक रागदोसपडिबद्धयाए बालयाए मोहयाए मंदयाए किड्डयाए तिगारवगरु(अ)याए चउकसाओवगएणं पंचिदिओवसट्टेण पडुप्पन्नभारिआए सायासुक्खमणुपालयतेणं इंह वा भवे, अन्नेसु वा भवग्गहणेसु, राईभोअणं भुत्तं वा, भुंजाविरं वा, भुंजतं वा परेहिं समणुन्नाय, तं निंदामि गरिहामि तिविहं तिविहेण मणेण वायाए कारण। अईअ निंदामि, पडुप्पन्नं संवरेमि, अणागयं पञ्चक्खामि सव्वं राईभोअण । जावज्जीवाए अणिस्सिओऽहं नेव संयं राईभोअण भुंजिज्जा, नेवन्नेहिं राईभोअणं मुंजाविज्जा, राईभोअणं
