________________
દેવદ્રવ્ય અને જિનપૂજા
૨૭
વિચાર' માં પૃષ્ઠ ૨૨૩માં પૃષ્ઠ પર આપેલું પરિશિષ્ટ જોવું.) સવંધાન ઃ દેવદ્રવ્ય અને જિનપૂજા આ અંગે શાસ્ત્રકારોનો .શો અભિપ્રાય છે એનો આ કંઈક વિચાર કર્યો. અને,
દેવદ્રવ્ય હોય તો પૂજા વગેરે સંભવિત બને છે, દેવદ્રવ્યનો લોપ કરનારો પૂજા વગેરેનો લોપ કરે છે, પૂજા વગેરેના કારણભૂત દેવદ્રવ્યની વૃદ્ધિ કરવી જોઈએ....આવું બધું જણાવનારા અનેક શાસ્ત્રપાઠો મળે છે.
પ્રાયશ્ચિત્તના કોઈ ગ્રન્થમાં પરદ્રવ્યથી પૂજા કરનારને પ્રાયશ્ચિત્ત આપવાનું વિધાન જોવા મળતું નથી. એમ દેવદ્રવ્યથી પૂજા કરનારને માટે પણ દેવદ્રવ્યના ભક્ષણનો દોષ લાગે એવું જણાવનાર કે એનું પ્રાયશ્ચિત્ત દર્શાવનાર શાસ્ત્રવચન જોવા મળતું
નથી.
દેવદ્રવ્યના ભક્ષણથી અનંત સંસાર ભ્રમણના દૃષ્ટાન્તો શાસ્ત્રોમાં જોવા મળે છે. પણ એ રીતે દેવદ્રવ્યથી પૂજા કરનારને અનંત સંસાર થયો હોય એવું કોઈ દૃષ્ટાંત જોવા મળતું નથી.
આ બધી બાબતો, પરદ્રવ્યથી કે દેવદ્રવ્યથી પૂજા થઈ ન જ શકે, દેવદ્રવ્યથી પૂજા કરનારને દેવદ્રવ્યભક્ષણનો ભારે દોષ લાગે વગેરે પ્રચાર બિલકુલ શાસ્ત્રવિપરીત છે એ સ્પષ્ટ રીતે જે સૂચવે છે એ શ્રીસંઘ સમક્ષ રજૂ કરવા આ પુસ્તિકા પ્રકાશિત થઈ છે.
એટલે ‘દેવદ્રવ્યથી પણ જિનપૂજા વગેરે થઈ શકે છે’ આ વાત શાસ્ત્રસિદ્ધ છે એમ જાણીને,
અત્યાર સુધી તો સ્વદ્રવ્યથી પૂજા કરતા હતા, હવે જો દેવદ્રવ્યથી પણ થઈ શકે છે તો આપણે પણ દેવદ્રવ્યથી જ કરીશું...આપણા એટલા પૈસા બચ્યા.....