________________
દેવદ્રવ્ય અને જિનપૂજા માટે છે. તેમ કેસર સુખડ વગેરે સામગ્રી પણ પ્રભુભક્તિ માટે જ છે ને પૂજારી પણ પ્રભુભક્તિ માટે જ છે....તેથી જિનમંદિરની જેમ આ માટેની આવશ્યકતા પણ દેવદ્રવ્યમાંથી લઈ ન જ શકાય એવું છે નહીં.'
(૨) કેસર-સુખડ વગેરેની સામગ્રી માટે પણ આવું થાય છે. ટીપ કે ચઢાવા કરતાં પણ, સંઘ મોટો હોવાના કારણે જ્યાં વપરાશ વધુ છે ત્યાં બધો માલ હલ્કી કક્ષાના આવે.ક્યારેક બોગસ પણ આવે.વરખ એવા આવે કે પ્રતિમાજીપરથી પછી નીકળે જે નહીં ને પ્રતિમાજીની આફ્લાદકતા વગેરેને ખલાસ કરી નાંખે.. કેવી વિષમતા ઊભી થઈ છે !-ત્રણ લોકના નાથની ભક્તિ શ્રેષ્ઠ થવી જોઈએ એ વાત ગૌણ થઈ ગઈ-વિસરાઈ ગઈને ભક્તિ ઓછી-વત્તી ચાલશે-પણ દેવદ્રવ્યને અડશો નહીં ...આ વાત મુખ્ય બની ગઈ...આમાં શ્રાવકોની ટીપ વગેરે ઉપરાંત જેટલી આવશ્યકતા હોય એટલી દેવદ્રવ્યમાંથી શાસ્ત્રસિદ્ધ ઉપયોગ રૂપે લેવાનું ઠરાવવામાં આવે તો વિશ્વવત્સલ પરમાત્માની જેવી ભક્તિ ઉચિત કહેવાય એવી ઉચિત ભક્તિ થાય.
(૩) ક્યારેક વિશિષ્ટ પર્વ દિવસોએ પણ પરમાત્માની અંગરચના ન હોય, હોય તો સાવ સામાન્ય હોય. આના બદલે શ્રાવકો ભાવોલ્લાસ વિકસાવી આંગી નોંધાવે, છતાં અધૂરાશ રહે તો સંઘની વ્યવસ્થા મુજબ દેવદ્રવ્યનો ઉપયોગ કરી ભવ્ય અંગરચના થાય તો રોજ ન આવનારા પણ દર્શન કરવા આવી પાવન થાય..રોજ આવનારા પણ વિશિષ્ટ અંગરચના જોઈ આફ્લાદ અનુભવે-બે-ચાર સ્તુતિ વધારે લલકારી વધુ શુદ્ધ અધ્યવસાયો પામી શકે, જે સમ્યગદર્શનાદિની નિર્મળતા કરે.
