________________
૧૦
દેવદ્રવ્ય અને જિનપૂજા ભાવનાસંપન્ન બન્યા હોય ને તેથી સ્વદ્રવ્યને પ્રભુભક્તિમાં જોડવા ઉલ્લસિત પણ થયા હોય તો પણ એટલું જ દ્રવ્ય લગાવી પ્રભુભક્તિ કરવી...એવો નિયમ નથી. એ સામગ્રીમાં સંઘે કરેલી સમુચિત વ્યવસ્થા મુજબ દેવદ્રવ્યથી ઉપલબ્ધ સામગ્રી ઉમેરી આવશ્યક શ્રેષ્ઠ ભક્તિ તેઓ કરી જ શકે છે, ને કરવી જોઈએ. આ રીતે પ્રભુભક્તિમાં દેવદ્રવ્ય જોડવું શાસ્ત્રસિદ્ધ હોવા છતાં, “નહીં, દેવદ્રવ્યથી તો પ્રભુભક્તિ ન જ થાય.” આવો આગ્રહ રાખવાના કારણે, પ્રચુર દેવદ્રવ્ય ઉપલબ્ધ હોવા છતાં પ્રભુભક્તિથી કેવા વંચિત રહેવાય છે ને ક્યારેક તો ઉપરથી પ્રભુની આશાતના થવામાં નિમિત્ત બની જવાય છે એ વિચારવા જેવું બની જાય
(૧) મોટા મોટા માતબર સંઘોમાં પણ, સાધારણ ખાતામાંથી જ પૂજારીને પગાર આપવાનો આગ્રહ હોવાને કારણે હાથ ટૂંકો રહે છે. આજની કાળઝાળ મોંઘવારીને અનુસરીને સમુચિત પગાર ઠેરવવાનો ન હોવાથી સારા માણસો મળતા નથી...ક્યારેક જેવા તેવાથી નભાવવું પડે છે જે અનેકવિધ આશાતના કરે છે, તેમજ ક્યારેક ચોરી પણ કરે છે. તથા ક્યારેક છાપા વગેરેમાં–લાખો રૂપિયાની ઉપજવાળા જૈનમંદિરોમાં પૂજારીનો પગાર કેવો ટૂંકો હોય છે-શ્રાવકોને પૂજારીનો કશો વિચાર હોતો નથી-શોષણ ચાલે છે–વગેરે વાતો આવે ત્યારે શાસનની અપભ્રાજના પણ કેટલી થાય? આના બદલે, શ્રાવકો પૂજારીના પગાર માટે થાય એટલી ટીપ કરે.એનાથી જ પર્યાપ્ત રકમ મળી જાય તો ઘણું સુંદર...પણ એ ન થાય તો જેટલી આવશ્યકતા હોય એટલી દેવદ્રવ્યમાંથી પૂર્તિ કરવાનું ઠરાવવામાં આવે તો આ દોષોથી બચી શકાય. આટલું જરૂર યાદ રાખવું જોઈએ કે જેમ જિનમંદિર-જિનપ્રતિમા પ્રભુભક્તિ