________________
દેરાસરોમાં મૂડી દેખાય છે, તે મૂડી દેખાય શાની ? પણ દેરાસરોનો વહીવટ મોટે ભાગે સ્વચ્છંદીપણે જ થવા લાગ્યો છે.
જિનમંદિરાદિ ધર્મસ્થાનોમાં કાયમી આરંભ ન કરવો જોઈએ-એમ વારંવાર કહેવાય છે, પણ એ તરફ લક્ષ્ય અપાતું નથી અને વીજળીના દીવા રાખવાની પ્રવૃત્તિ વધતી જ જાય છે. એ સ્થિતિ આવવા માંડી છે કે, સગવડ ન હોય, તો જ વીજળીના દીવા ન હોય. આ તો પ્રાસંગિક વાત થઈ. આપણે તો સાંસારિક મહારંભનો વિચાર કરી રહ્યા છીએ. મહારંભો ખૂબ જ વધી રહ્યા છે, એમ તો આજે કોઈનેય કબૂલ કરવું પડે તેમ છે. આમ શાથી બને છે? મહારંભનો ડર ગયો, માટે ને?
ગૃહસ્થને આરંભાદિ કરવા પડે, તો પણ એમાં એની હેયબદ્ધિ જીવતી હોય, તો મહારંભ તરફ મન મળે નહિ ને ? કદાચ મહારંભ કિરવો પડે, તોય હૈયે એનું કેટલું દુઃખ હોય ? મહારંભ પણ નરકના આયુષ્યના આશ્રર્વનું એક કારણ છે, એમ જાણીને આજે તમે મહારંભને મૂકી દેશો ? મહારંભ નહિ કરનારાઓનો પણ મહારંભમાં ભાગ તો છે ને ? હવે તમે બધા શેરો કાઢી નાખવાના ને ? મહારંભનો કોઈ શેર ખરીદવાના નહિ ને ? ઘરમાં કે મંદિરમાં વીજળીની બત્તી આવી, એટલે અહીંની બત્તી માટે કારખાનું-પાવર હાઉસ ચાલુ રહેવું જોઈએ, એમ થાય ને ? બટન દબાવ્યું ને બત્તી થઈ નહિ, તો મનમાં શી અસર થાય ? કારખાનું કેમ બંધ થયું? શું બગડી ગયું ? ઝટ ચાલુ થાય તો સારું !” -એમ થાયને ? જ્યાં બત્તી ચાલુ થાયએટલે “ઠીક થયું' એમ થાય ને ? ત્યારે એ કારખાનાનું પાપ તમને પણ લાગે કે નહિ?
એ તો કહો કે, તમે આટલા બધા આઝાદીના પ્રેમી હોવા છતાં આટલી બધી ગુલામી ક્યાંથી ખરીદી લીધી ? દીવામાં પરાધીન ! પવનમાં પરાધીન ! પાણીમાંય પરાધીન ! આજે ઠેર ઠેર નળ, ચકલીઓ થઈ ગઈ, પણ જે દિ પાણી ખૂટશે, તે દિ' મારી નાખશે ને ? કોઈ વાર વીજળીના કારખાના ઉપર તવાઈ આવે, તો વગર મોતે મરવાનો વખત આવે ને ?
કૂવા હોત તો આટલી પંચાત હોત? પહેલાં કૂવા પૂરવાની બેવકૂફી કરી અને હવે ઉઘાડવા માંડ્યા છે. કૂવા, નદી નગેરેનું પાણી વપરાતું,
૧૭-પ્રભુપૂજાસ્વદ્રવ્યથી કે દેવદ્રવ્યથી? આ