________________
કુટુંબ સાથે કરવાની વાતો :
કલિકાલ સર્વજ્ઞ પરમોપકારી આચાર્ય શ્રી હેમચંદ્રસૂરીશ્વરજી મહારાજાએ આત્માને જ સંસાર અને આત્માને જ મોક્ષ કહ્યો છે. કષાયો અને ઈદ્રિયોનો ગુલામ આત્મા સંસાર છે, કષાયો અને ઈદ્રિયોનો વિજેતા આત્મા મોક્ષ છે. એ જ રીતે કર્મસહિત આત્મા સંસાર છે અને કમરહિત આત્મા મોક્ષ છે.
મોક્ષ પામવા માટે જ્ઞાનીઓએ માનવજન્મને વખાણ્યો છે, કેમ કે અજન્મા થવા માટેનો જે ઉદ્યમ અહીં થઈ શકે છે, તેવો ઉદ્યમ બીજા કોઈ પણ જન્મમાં થઈ શકતો નથી અને એથી જ જન્મના નાશની પ્રેરણા આપનારા જ્ઞાનીઓએ મનુષ્યજન્મને વખાણ્યો છે.
હવે કહો, અજન્મા બનવા માટેના ઉદ્યમોમાં સૌથી સારો ઉદ્યમ કયો છે ?
પાપરહિતપણે જીવનારા બનવું, એ જ ને? જીવને પાપ લાગે નહિ, એવું ક્યારે બને?
જીવન જો ભગવાનની આજ્ઞાને જ આધીન બની જાય તો ! યતનામય સાધુજીવન જીવવું, એ જ સાચું પાપરહિત જીવન છે ને? તો આ વાત હવે તો તમારા કુટુંબને તમે સમજાવજો અને કહેજો કે “આ મનુષ્યજન્મને જ્ઞાનીઓએ દશ દશ દષ્ટાંતે દુર્લભ કહ્યો છે, આર્ય દેશાદિ સામગ્રીથી સહિત મનુષ્યજન્મ મળવો, એ અતિશય દુર્લભ છે, આપણે પૂર્વે વિપુલ પુણ્ય કરેલું કે, જેથી આપણને આવો મનુષ્યજન્મ મળી ગયો છે, પણ આ જન્મ મળ્યો, તેને. આપણે સફળ કરીએ તો કામનું ! અત્યારે આપણે જે રીતે જીવીએ છીએ, તે રીતે જીવવા માટે, આ મનુષ્યજન્મ નથી. આ મનુષ્યજન્મ મળ્યો, એ તેનો જ સફળ છે કે, જે પોતાના જીવનને પાપરહિત બનાવે ! માટે આપણે પણ આપણા જીવનને પાપરહિત બનાવવાનો પ્રયત્ન કરવો જોઈએ ! તમે આવી વાત કરો, એટલે કદાચ કોઈ એમ પણ પૂછે કે આ સંસારમાં પાપરહિત જીવન કોણ જીવે છે ?” ત્યારે તમારે કહેવું કે “આપણાં સાધુ અને સાધ્વી પાપરહિત જીવન જીવે છે.
૫. રામચન્દ્રસૂરિ સ્મૃતિગ્રંથમાળા- ૮૨ b)'2002 2003 2009
