350 Gathanu Stavan

SR No.: 005778
Original Sutra Author: N/A
Author: Gunhansvijay
Publisher: Kamal Prakashan Trust
Publication Year: 2011
Total Pages: 132
Language: Gujarati
Classification: Book_Gujarati
File Size: 17 MB

Page 36

Goo
JOGOGOOG
GIGOGOO
આ પાઠોને આધારે હવે.તું બધી જ ક્રિયા વિધિપૂર્વક કરજે. ઉત્સર્ગમાર્ગ આચરે, તો એની વિધિ આચરજે. અપવાદમાર્ગ આચરે તો એની વિધિ આચરજે. પણ વિધિની ઉપેક્ષા ન કરીશ. એમાં ય સંયમજીવનમાં તો ઉભયટંકના પ્રતિક્રમણ + પ્રતિલેખન + ગાથાઓ ગોખવી + પાઠ લેવો + ગુરૂભક્તિ + ગ્લાનસેવા + ગોચરીચર્યા + તપશ્ચર્યા + જીવદયા પાલન + સ્થંડિલ-માત્રુ પરઠવવું + વિહાર + નિદ્રા + દિવસ દરમ્યાન અનેકાનેક ઈરિયાવહિઓ + પ્રભુભક્તિ વગેરે વગેરે ઢગલાબંધ ક્રિયાઓ છે, એ બધી ક્રિયાઓની વિધિ તું બરાબર જાણી લે અને એનું શુદ્ધ આચરણ કર. (ગા.૫)
- * - * -
શિષ્ય : તમારી વાત આમ તો બધી સાચી લાગે છે. પણ આ પાંચમો આરો છે. નબળો કાળ છે, પડતો કાળ છે. આ કાળમાં અવિધિ મોટો દોષ ન ગણાય. ચોથા આરાની વાત જુદી છે. ત્યારે તો સંઘયણ ઉંચા-જીવો ઉંચા-તીર્થંકરોની હાજરી.... એટલે વિધિપાલન સહેલું પડે. એટલે જ એ કાળમાં વિધિ ન પાળે તો ચોક્કસ દોષ લાગે. પણ આવા નબળા કાળમાં વિધિ ન પાળે તો દોષ ન લાગે એવું નથી લાગતું ? ઉપાધ્યાય : ના
વિષમકાળે જિમ વિષ મારે, અવિધિદોષ તિમ લાગે રે ઈમ ઉપદેશપદાદિક દેખી, વિધિરસિયો જન જાગે રે દા ગાથાર્થ : વિષમકાળમાં જેમ ઝેર મારનાર બને. તેમ અવિધિદોષ પણ લાગે. ઉપદેશપદાદિ ગ્રન્થોમાં કરેલી આ વાતો જોઈને વિધિરસિક લોકો જાગ્રત બને. ભાવાર્થ : તું મને એમ કહે કે
ચોથા આરામાં ઝેર ખાઓ, તો મરવું પડે, પણ પાંચમાં આરામાં ઝેર ખાઓ તો મરણ ન થાય. એવું ખરું ?
ચોથા આરામાં ગળા પર તલવાર ઉગામવામાં આવે તો ડોકું કપાય. પણ પાંચમા આરામાં તલવાર મારો તો ગળું ન કપાય એવું ખરું ?
જો, ના.
તો અવિધિ ચોથા આરામાં જ દોષ ગણાય, ને પાંચમા આરામાં દોષ ન ગણાય, એવું કયા આધારે કહી શકાય ?
કાળ ગમે તે હોય, અવિધિ એનું ફળ આપે જ આપે.
૩૫૦ ગાથાનું સ્તવન
(૨૦)
JOGOS
POR