Page Text
________________
Koc
છ
GOO
શાસ્ત્રમાં દર્શાવેલી શુદ્ધ ક્રિયાઓ તો વિચ્છેદ જ પામે.
આ શાસ્ત્રોક્ત ક્રિયાઓ-શાસ્ત્રાનુસારી ક્રિયાઓ એ જ તો મોક્ષમાર્ગ છે. આનો વિચ્છેદ કરવાનું ઘોરાતિઘોર પાપ આ જીવો બાંધે. ભાવના સારી......પણ જેને બચાવવાની ભાવના હતી. એને જ ખતમ કરનારા બની રહ્યા.
શિષ્ય : ભલે શાસ્ત્રીય ક્રિયાઓ વિચ્છેદ પામી, પણ બાહ્ય દૃષ્ટિએ તો એ બધી ક્રિયાઓ બચી ગઈ ને ? એ તો સારા માટે નહિ ?
ઉપાધ્યાય : હોસ્પિટલનો વોચમેન દર્દીનું ઓપરેશન કરે તો શું હાલત થાય ? ઓપરેશન તો રોગનાશક વસ્તુ જ ગણાય છે ને ? તો એ તો સારા માટે જ ગણાવું જોઈએ કે નહિ ? ત્યાં તમે એમ કહેશો ? કે, “વોચમેને ઓપરેશન કર્યું, એ સારું કર્યું.” કે પછી એને ખરાબ જ ગણશો ? સ્પષ્ટ વાત છે કે એના કારણે દર્દી મરી જાય, વધુ રોગી બને એટલે એ વસ્તુ ઈષ્ટ ન જ બને.
જીવવા માટે ખોરાક ખાવા ન મળે, તો જીવવા માટે પથરાઓ-ઝેર ખાઈ શકાય નહિ. કેમકે એ જીવન તો આપતા જ નથી. ઉલટું મોત લાવી આપે કે આરોગ્ય જ બગાડે.
વાળ કપાવવા માટે,હજામ ન મળે, તો દરજી-લુહારાદિ પાસે વાળ કપાવાય નહિ, કેમકે તેઓ વાળ તો બરાબર ન જ કાપે, પણ ભૂલમાં નસ-ડોકું કાપી નાંખે.
પચાસમાં માળેથી છેક નીચે સુધી પહોંચવા દાદરા ઉતરવાનું શક્ય ન હોય, તો ય ઉપરથી કુદકો મરાય નહિ, કેમકે એમાં નીચે પહોંચતાની સાથે જ કાયમ માટે ઉપર પહોંચી જવું પડે.
એમ વિધિવાળી ક્રિયાઓ, શાસ્ત્રીય ક્રિયાઓ શક્ય ન હોય તો તદ્દન શાસ્ત્રવિરુદ્ધ ક્રિયાઓ ચલાવી લેવાય નહિ, કેમકે એમાં આત્મહિત, કર્મક્ષયાદિ તો ન જ થાય. પણ આજ્ઞાભંગ, અનવસ્થા, સૂત્ર-આશાતના, ક્રિયા-આશાતના વગેરેને લીધે એ ક્રિયાઓ વધારે નુકસાન કરનારી બની રહે.
શિષ્ય : પણ ગુરુજી ! આ કેવું ? સંસારના પાપો સંસાર વધારે એ તો સમજયા, પણ ધર્મક્રિયાઓ પણ સંસાર વધારે ? કર્મ બંધાવે ? આવું કેમ ?
ઉપાધ્યાય : કેમકે એમાં સર્વોત્તમ ક્રિયાઓની, સર્વોત્તમ શાસ્ત્રોની, એને બતાવનારા સર્વોત્તમ મહાપુરુષોની ઘોર આશાતના થાય છે. અધ્યાત્મસારમાં આ વાત મેં બરાબર દર્શાવી છે.
૩૫૦ ગાથાનું સ્તવન (૨૩)
989899999800
| SR No. | 005778 |
| Book Title | 350 Gathanu Stavan |
| Original Sutra Author | N/A |
| Author | Gunhansvijay |
| Publisher | Kamal Prakashan Trust |
| Publication Year | 2011 |
| Total Pages | 132 |
| Language | Gujarati |
| Classification | Book_Gujarati |
| File Size | 17 MB |