Page Text
________________
RoROOOOROODR)
SOOOO
ઢાળ-૧
શ્રીસીમંધરસાહિબ આગે, વિનતડી એક કીજે રે
મારગ શુદ્ધ મયા કરી મુજને, મોહનમુરિત દીજે રે. શ્રીસીમંધર...૧ ગાથાર્થ : શ્રી સીમંધર ભગવાનની આગળ એક વિનંતી કરીએ કે “ઓ મોહનમૂર્તિ ! કૃપા કરીને તું મને શુદ્ધ માર્ગ આપ.”
ભાવાર્થ : આપણું બધાનું અંતિમ લક્ષ્ય તો મોક્ષ જ છે. ત્યાં સુધી પહોંચવા માટે આપણે હજી ઘણું ચાલવાનું બાકી છે. પણ એ તો સાચા રસ્તે ચાલ્યા તો કામનું ! ભૂલથી જો ખોટા રસ્તે ચડી ગયા, જે માર્ગ મોક્ષમાં લઈ જ ન જતો હોય એવા માર્ગે ચાલવા લાગ્યા, તો એમાં ગમે એટલું ચાલશું, દોડશું પણ મોક્ષમાં નહિ જ પહોંચીએ.
એટલે મોક્ષમાં પહોંચવા માટે સાચા માર્ગમાં = શુદ્ધ માર્ગમાં ચાલવું અત્યંત જરૂરી છે. મુશ્કેલી એ છે કે આ વિષમકાળના પ્રતાપે નવા નવા માર્ગો=રસ્તાઓ બનતા જ જાય છે, અને બધા એક જ વાત કરે છે કે “આ મોક્ષનો માર્ગ છે. તમે આ માર્ગે આગળ ચાલશો, તો મોક્ષે પહોંચશો.”
આવું બને એટલે સ્વાભાવિક રીતે મુંઝવણ થવાની જ. માર્ગ સેંકડો, એ બધા જ પાછા મોક્ષના માર્ગ કહેવાય. જે જે નવો માર્ગ સ્થાપે, તે તે પોતાના સ્થાપેલા માર્ગને જ મોક્ષમાર્ગ કહે. એટલે આપણા જેવાને શંકા તો પડે જ ને ? કે સાચું શું ? મોક્ષનો માર્ગ કયો ? આ કાળમાં જૂઠ બોલનારાઓ ઓછા નથી. જો કોઈની વાતમાં તણાઈ જઈને ભૂલથી પણ ઊંધા માર્ગે ચડી ગયા, તો મોક્ષે તો નહિ જ પહોંચીએ, પણ અનંતસંસાર ભેગા થઈ જશું. એ કંઈ આપણને મંજુર નથી. આપણે તો જોઈએ માત્ર ને માત્ર મોક્ષ ! હવે આ સંસારમાં રહેવાની, ભટકવાની આપણને તો લગીરે ઈચ્છા નથી. એટલે જ ભૂલથી પણ ખોટો માર્ગ આપણા હાથમાં ન આવી જાય, કોઈક આપણને ઊંધા રસ્તે ચડાવી ન દે એ માટેની સતતસખત સાવધાની આપણે રાખવી જ પડવાની.
જેમ કેન્સરના રોગથી પીડાતો દર્દી અંતરથી ઈચ્છા કરે કે, “મારો આ રોગ મટે તો સારું.” પણ એ રોગ મટાડવા કઈ દવા લેવી ? કોના પર વિશ્વાસ મુકવો ? એની ભારેમાં ભારે મુંઝવણ એને થવાની. કેમકે એલોપથીવાળા કહે કે “અમારી દવાથી કેન્સર મટે જ, અને એ અમારી દવાથી જ મટે. આયુર્વેદ-હોમિયોપથી
૩૫૦ ગાથાનું સ્તવન
( ૭ )
APKOR)
| SR No. | 005778 |
| Book Title | 350 Gathanu Stavan |
| Original Sutra Author | N/A |
| Author | Gunhansvijay |
| Publisher | Kamal Prakashan Trust |
| Publication Year | 2011 |
| Total Pages | 132 |
| Language | Gujarati |
| Classification | Book_Gujarati |
| File Size | 17 MB |