Page Text
________________
જૈન શાસ્ત્રોની પરંપરા તરફ નજર કરીએ છીએ ત્યારે સમજાય છે કે પૂર્વે પણ કેટલાંક શાસ્ત્રકારોએ એક જ ગ્રંથમાં સેંકડો શાસ્ત્રગ્રંથોના સાક્ષીપાઠો આપવામાં આવ્યાં હોય તેવા મૂલ્યવાન ગ્રંથો રચ્યાં છે. પ્રસ્તુત વોથપતા ટીકાગ્રંથ આવા વિરલ ગ્રંથોની શ્રેણિમાં સ્થાન પામી શકે તેમ છે એવો વિદ્વાનોનો અભિપ્રાય છે.
આ ટીકાગ્રંથની બીજી એક વિરલકક્ષાની વિશેષતા એ છે કે અહીં અપાયેલાં એકશોને બત્રીશ સાક્ષીપાઠો પૈકીના મોટાભાગના સાક્ષીપાઠો સમ્યગ્દર્શનના એક જ વિષય સાથે અનુસંધાન ધરાવે છે. કદાચ જૈનશાસ્ત્રોની પરંપરામાં સાકાર થયેલી આ પ્રથમ ઘટના છે કે એક જ વિષયને સ્પર્શતાં આટલી મોટી સંખ્યાના સાક્ષીપાઠોને એક જ ગ્રંથમાં સમાવવામાં આવ્યાં હોય.
વોધિપતા માં અપાયાં છે એથી વધુ સંખ્યાના સાક્ષીપાઠો અન્યાન્ય ગ્રંથોમાં અપાયાં છે જરુર પરંતુ ત્યાં અનેક વિષયોને અનુલક્ષીને સાક્ષીપાઠોની સંખ્યાનો સરવાળો થયેલો છે જ્યારે અહીં લગભગ એક જ વિષયને અનુલક્ષીને આટલાં સાક્ષીપાઠો અપાયાં છે.
પ્રસ્તુત ગ્રંથની અનુક્રમણિકા વાંચવાથી ખ્યાલ આવશે કે આ ગ્રંથમાં કેવું વિષય વૈવિધ્ય પીરસાયું છે! સમ્યકત્વ - મિથ્યાત્વ સંબંધી અનેક બાબતોના ઉંડાણ સુધી જવાનો કેટલો પ્રયત્ન થયો છે !
ગ્રંથને અંતે બે પરિશિષ્ટો આપી સાક્ષીપાઠોની તેમજ સંદર્ભગ્રંથો અને તેના પ્રણેતાઓની સૂચિ પણ રજૂ કરવામાં આવી છે જે વિદ્વાનો માટે વિશેષ ઉપયોગી બનશે. સમગ્ર મૂળ ગ્રંથ સહિત ટીકાગ્રંથનો સરળ અને ભાવપૂર્ણ ગુજરાતી અનુવાદ પણ આ ગ્રંથમાં સંમીલિત છે જેના સહારે સંસ્કૃત ભાષા નહિ જાણનારો સાધુ-સાધ્વી સમુદાય તથા શ્રાવક-શ્રાવિકા વર્ગ આ ગ્રંથનું અવગાહન કરી શકશે, ગ્રંથના ઉંડાણ સુધી પહોંચી શકશે અને તત્ત્વામૃતનું આચમન લઈ શકશે.
પ્રસ્તુત ગ્રંથમાં, દરેક મૂળ ગાથાની નીચે ગાથાની સંસ્કૃત છાયા આપવામાં આવી છે એ પછી મૂળ ગાથાનો ગાથાર્થ રજૂ કરવામાં આવ્યો છે. મૂળ ગાથાની સંસ્કૃત છાયા, મૂળ ગાથાનો ગાથાર્થ અને ટીકાનો ગૂર્જરાનુવાદ પણ ટીકાકાર પૂજયશ્રીએ તૈયાર કર્યા છે. આ તેઓશ્રીજીનો વિશેષ ઉપકાર છે. આમ, છાયા, ગાથાર્થ, ટીકા અને સટીક અનુવાદ સાથે આ ગ્રંથ પ્રગટ થઈ રહ્યો હોવાથી અભ્યાસુ વર્ગ માટે તે વિશેષ ઉપકારક બનશે.
અમારાં વાપી - શાંતિનગર સંઘના આદરણીય આરાધક શ્રી પાતુબેન સોનાજી બાગચા પરિવાર, ફર્મઃ પ્રકાશકુમાર જસરાજજી બાગચા પરિવાર - વાપી તરફથી પ્રસ્તુત
१२
'बोधिपताका' टीकया विभूषितं
| SR No. | 005776 |
| Book Title | Samyaktva Rahasya Prakaranam |
| Original Sutra Author | N/A |
| Author | Siddhasensuri, Hitvardhanvijay |
| Publisher | Kusum Amrut Trust |
| Publication Year | 2010 |
| Total Pages | 194 |
| Language | Gujarati |
| Classification | Book_Gujarati |
| File Size | 5 MB |