________________
तेविसइमं कम्मपयडीपयं बीओ उद्देसो एगिदिए कम्मपयडीणं ठिइबंधपरूवणं
श्री प्रज्ञापना सूत्र भाग २ (टी०) गोत्र भने अन्तरायना सूत्रो स्पष्ट छे. परन्तु 'अंतराइयस्स णं पुच्छा' अंतराय संजन्धे पृथ्छा. जे सूत्रमा 'पाये પ્રકારના' એ વાક્યોનો અધ્યાહાર કરવો. એટલે પાંચે પ્રકારના અંતરાય સંબન્ધે પ્રશ્ન જાણવો. અને ઉત્તર પણ પાંચ પ્રકારના અંતરાય કર્મ સંબન્ધુ જાણવો. એ પ્રમાણે સામાન્યપણે સર્વ પ્રકૃતિઓનું જઘન્ય અને ઉત્કૃષ્ટથી સ્થિતિનું પરિણામ કહ્યું.૨૮૬૨૬ || एगिंदिए कम्मपयडीणं ठिड्बंधपरूवणं ||
एगिंदिया णं भंते! जीवा णाणावरणिज्जस्स कम्मस्स किं बंधंति ? गोयमा ! जहन्नेणं सागरोवमस्स तिण्णि सत्तभागे पलिओवमस्स असंखेज्जइभागेणं ऊणए, , उक्कोसेणं ते चेव पडिपुण्णे बंधंति । एवं णिद्दापंचगस्स वि दंसणचउक्कस्स वि । एगिंदिया णं भंते! जीवा सातावेयणिज्जस्स कम्मस्स किं बंधंति ? गोयमा ! जहन्नेणं सागरोवमस्स दिवङ्कं सत्तभागं पलिओवमस्स असंखेज्जइभागेणं ऊणयं, उक्कोसेणं तं चेव पडिपुण्णं बंधति । असातावेयणिज्जस्स जहा णाणावरणिज्जस्स । एगिंदिया णं भंते! जीवा सम्मत्तवेयणिज्जस्स कम्मस्स किं बंधंति ? गोयमा ! णत्थि किंचि बंधंति । एगिंदिया णं भंते! जीवा मिच्छत्तवेयणिज्जस्स कम्मस्स किं बंधंति ? गोयमा ! जहन्नेणं सागरोवमं पलितोवमस्स असंखेज्जतिभागेणं ऊणयं, उक्कोसेणं तं चेव पडिपुण्णं बंधंति । एगिंदिया णं भंते! जीवा सम्मामिच्छत्तवेयणिज्जस्स किं बंधंति ? गोयमा ! णत्थि किंचि बंधंति । एगिंदिया णं भंते! जीवा कसायबारसगस्स किं बंधंति ? गोयमा ! जहण्णेणं सागरोवमस्स चत्तारि सत्तभागे पलितोवमस्स असंखेज्जतिभागेणं ऊणए, उक्कोसेणं ते चेव पडिपुण्णे बंधंति, एवं कोहसंजलणाए वि जाव लोभसंजलणाए वि । इत्थवेयस्स जहा सातावेयणिज्जस्स । एंगिंदिया पुरिसवेदस्स कम्मस्स जहण्णेणं सागरोवमस्स एवं सत्तभागं पलितोवमस्स असंखेज्जतिभागेणं ऊणयं, उक्कोसेणं तं चेव पडिपुण्णं बंधति । एगिंदिया णपुंसगवेदस्स कम्मस्स जहण्णेणं सागरोवमस्स दो सत्तभागे पलिओवमस्स असंखेज्जईभागेणं ऊणए, उक्कोसेणं ते चेव
पुणे बंधति । हास रतीए जहा पुरिसवेदस्स, अरति-भय-सोग - दुगुंछाए जहा णपुंसगवेयस्स । णेरइयाउअ देवाउअ णिरयगतिणाम देवगतिणाम वेडव्वियसरीरणाम आहारगसरीरणाम णेरइयाणुपुव्विणाम देवाणुपुव्विणाम तित्थगरणाम-एताणि [णव] पयाणि ण बंधंति । तिरिक्खजोणियाउयस्स जहण्णेणं अंतोमुहुत्तं, उक्कोसेणं पुव्वकोडी सत्तहिं वाससहस्सेहिं वाससहस्सतिभागेण य अहियं बंधति । एवं मणुस्साउयस्स वि । तिरियगतिनामाए जहा णपुंसगवेदस्स। मणुयगतिनामाए जहा सातावेदणिज्जस्स । एगिंदियजाइनामाए पंचिंदियजातिनामाए य जहा णपुंसगवेदस्स । बेइंदिय-तेइंदियजातिनामाए [पुच्छा] जहन्नेणं सागरोवमस्स णव पणतीसतिभागे पलिओवमस्स असंखेज्जति भागेणं ऊणए, उक्कोसेणं ते चेव पडिपुण्णे बंधति । चउरिदियणामाए वि जहण्णेणं सागरोवमस्स णव पणतीसतिभागे पलिओवमस्स असंखेज्जतिभागेणं ऊणए, उक्कोसेणं ते चेव पडिपुण्णे बंधंति । एवं जत्थ जहणगं दो सत्तभागा तिन्नि वा चत्तारि वा सत्तभागा अट्ठावीसतिभागा० भवंति, तत्थ णं जहण्णणं ते चेव पलिओवमस्स असंखेज्जतिभागेणं ऊणगा भाणियव्वा. उक्कोसेणं ते चेव पडिपुण्णे बंधंति । जत्थ णं जहणणेणं
गोवा दिवडो वा सत्तभागो तत्थ जहन्नेणं तं चैव भाणियव्वं, उक्कोसेणं तं चेवं पडिपुण्णं बंधंति । जसोकित्तिउच्चागोयाणं जहण्णेणं सागरोवमस्स एवं सत्तभागं पलिओवमस्स असंखेज्जइभागेणं ऊणयं, उक्कोसेणं तं चेव पडिपुण्णं बंधंति। अंतराइयस्स णं भंते! पुच्छा। गोयमा ! जहा णाणावरणिज्जस्स, जाव उक्कोसेणं ते चेव पडणे बंधंति । सू० - २९ । । ६२७ ।।
233