________________
અર્થ : જેમ નગરમાં રહેનારા ચતુર પુરુષોના સુખનો વિલાસ, ગામડામાં રહેનાર ગરીબ માણસ જાણી શકે નહિ તથા જેમ કુંવારી કન્યા, સુંદર ભરયુક્ત વલ્લભના સુખને જાણી શકે નહિ, તેમ આત્માના અનુભવજ્ઞાન વિના ધ્યાનનું સુખ બહિરાત્મદષ્ટિમાં રહેતા સ્ત્રી અથવા પુરુષ કોણ જાણી શકે ? અર્થાત્ જાણી શકે નહિ.
ભાવાર્થઃ એક રાજા જંગલમાં ભૂલો પડ્યો. ખૂબ તરસ્યો થયો, “પાણી-પાણી કરતો તે બેહોશ થઈ ગયો. એવામાં એક જંગલવાસીએ તેને જોયો. પાસેના સરોવરમાંથી પાણી લાવીને તેના મોં પર છાંટયું. રાજા હોશમાં આવ્યો. જંગલવાસીએ તેને પાણી પાયું. એટલે રાજા પુનઃ સ્વસ્થ થયો. પોતાના પ્રાણ બચાવનારા જંગલવાસીને તે રાજમહેલે લઈ ગયો અને પોતાના સેવકોને આજ્ઞા કરી કે આ ભલા માણસની ઉત્તમ પ્રકારે સેવા કરજો.
રાજમહેલના ઉત્તમ વૈભવ વચ્ચે જંગલવાસી ઘરને ભૂલી ગયો. પણ થોડા દિવસ પછી તેને ઘર સાંભર્યું. દુઃખી પરિવાર સાંભર્યો એટલે તેણે રાજાને કહ્યું, હવે મારે ઘેર જવું છે. રાજાએ તેને રોકાઈ જવાનો આગ્રહ કર્યો, પણ તે ન માન્યો.
છેવટે રાજાએ તેને વહાલભરી વિદાય આપી.
જંગલવાસી ઘેર પહોંચ્યો. તેની રાહ જોતાં પત્નીપુત્રાદિએ પૂછ્યું, આટલા દિવસ ક્યાં ગયા હતા ?
| ૧૫૦
....
.......... આઠ દૃષ્ટિની સઝાય
