________________ અર્થ : આ દૃષ્ટિમાં વર્તતો આત્મા, પાંચ ઇન્દ્રિયોના ત્રેવીસ વિષયોના બસો બાવન વિકારોમાં ઇન્દ્રિયોને જોડે નહિ, અર્થાતુ આસક્તિ ન કરે. તે રૂપ જે પ્રત્યાહાર-ગુણ તે આ દૃષ્ટિમાં ઉપજે. અર્થાત્ તે તત્ત્વને જ સારરૂપ માને અને સંસારના બીજા સર્વ ઉપાય-પ્રપંચને અસાર માને. ભાવાર્થ પાંચ ઇન્દ્રિયોના વિષયોનું સેવન ખરેખર અસાર છે, નકામું છે. કારણ કે તેમ કરવાથી વ્યાપક જીવન કુંઠિત થાય છે. પશુવતું જીવન જીવાય છે. આ જીવનમાં આત્માનો પ્રભાવ નથી હોતો, પણ વિષય-વિકારનો જ પ્રભાવ હોય છે. બગડેલી વસ્તુ બહાર ફેંકી દેનારા આપણે વિષયોના સેવનથી જીવનને વિકૃત કરતા રહીશું ત્યાં સુધી કર્મસત્તાના કોરડા ખમવા જ પડશે. - આત્માની અશુદ્ધિનો ખટકો - એ આ દૃષ્ટિમાં વર્તતા જીવની તાસીર છે. કારણ કે આ દષ્ટિ દોષ વડે ખરડાતાની સાથે જ આંખમાં પડેલા તણખલાની જેમ તેને તે દોષ ખટકવા માંડે છે અને સખ્ત પ્રાયશ્ચિત આદિના સેવન વડે તેને દૂર કરીને તે જંપે છે. એટલે આ દૃષ્ટિવાળા મહાન આત્મા વિકારને પોસનારા વિચારને પણ મનમાં દાખલ થવા દેતો નથી. વિકૃત વિચારમાંથી જરા જેટલી રૂચિ પણ તેને દૂધના ભાજનમાં ઝેરના કણ જેવી ઘાતક લાગે છે. . 118.... ....... આઠ દૃષ્ટિની સઝાય
