________________
ઘણું વધારે મેઘલા દિવસે દેખાય, તેના કરતાં પણ ઘણું વધારે મેઘ વગરના દિવસે દેખાય.
અને તેમાં પણ દેખનારો બાળક હોય, તો તેના દેખવામાં અને પુખ્ત ઉંમરનો હોય, તો તેના દેખવામાં પણ વિવેકના ઓછા-વધતા પ્રમાણને લીધે તફાવત હોય અથવા કાચ (પડલ - મોતીઓ) વગેરે આડો આવવાથી દેખનારની દૃષ્ટિ જો આવરાઈ-ઢંકાઈ હોય, તો તેના દેખવામાં અને કાચ (પડલમોતીઓ) આડો ન હોય તેના દેખવામાં પણ જરૂર ફેર પડે.
આમ એક જ દૃશ્યમાં પણ વિચિત્ર ઉપાધિ ભેદને લીધે જુદા-જુદા દષ્ટિભેદ થાય છે.'
આ દૃષ્ટાંત પ્રમાણે લૌકિક પદાર્થને, લૌકિક દૃષ્ટિએ દેખવાના જે-જે ભેદ છે, તે-તે ઓઘ દૃષ્ટિના પ્રકાર છે.
ઓઘદૃષ્ટિ એટલે સામાન્ય દષ્ટિ. સામાન્ય દર્શન. ઓઘ એટલે પ્રવાહ. પ્રવાહપતિત દષ્ટિ તે ઓઘદષ્ટિ.
આમ અનાદિ સંસાર પ્રવાહમાં તણાઈ રહેલા અને તેમાં જ રાચનારા એવા ભવાભિનંદી જીવોની દૃષ્ટિ તે ઓઘ દૃષ્ટિ છે. ' લોકપ્રવાહને અનુસરતા સામાન્યજનોનું જે લૌકિક પદાર્થ સંબંધી સામાન્ય દર્શન, તે ઓઘ દૃષ્ટિ છે.
આ દૃષ્ટિને કેવળ સ્થૂલ દષ્ટિ કહે છે, કેવળ લૌકિક દૃષ્ટિ કહે છે. જાડી નજર કહે છે.
પ્રથમ મિત્રાદેષ્ટિની સઝાય.
