________________
મળે છે, એ ભ્રાંતિ દૂર થાય છે અને ઇન્દ્રિયોને આત્માભિમુખ બનાવવામાં સાચું સુખ છે એ સત્ય હૃદયગત થાય છે.
આ દૃષ્ટિનું ‘સ્થિરા’ એવું નામ જ તેના ગુણોનો બોધ કરાવે છે.
સ્થિરાદષ્ટિ એટલે આત્મામાં સ્થિર રહેનારી દૃષ્ટિ, આત્મભાવમાં સ્થિરદૃષ્ટિ, આત્મ પરિણતિવાન દૃષ્ટિ.
‘સુથારનું મન બાવળીએ', તેમ આ દૃષ્ટિમાં વર્તતા આત્માનું મન, આત્મામાં જ રહે છે. આત્માના અનંત જ્ઞાનાદિ ગુણોમાં ૨મે છે.
આ દૃષ્ટિમાં વર્તતો આત્મા, આત્મભાવમાં એવો સ્થિર રહે છે કે દેહના દેવળ પર આપત્તિઓની ઝડી વરસે છે તો પણ તે ડગુમગુ થતો નથી, આત્મભાવને છોડીને પરભાવમાં ખસતો નથી.
શુદ્ધ આત્મબોધદાયી આ દૃષ્ટિ પ્રાપ્ત કરવા માટે આપણે રાગ-દ્વેષને પાતળા પાડવા જોઇએ. નષ્ટભ્રષ્ટ કરી દેવા જોઇએ. રાગ-દ્વેષનો નાશ કરવા માટે સર્વજ્ઞ વીતરાગ પરમાત્માની ભક્તિ ભાવપૂર્વક કરવી જોઇએ.
સંસાર તરફના ગાઢ રાગનો નાશ કરવાનો આ સર્વશ્રેષ્ઠ માર્ગ અપનાવીને જ આપણે આત્મદૃષ્ટિવંત બની શકીશું. વિષય-કષાયના પાશમાંથી છૂટી શકીશું. પકડવા યોગ્ય આત્માને પકડીને પરમાત્મા બની શકીશું.
૧૧૦.
આઠ દૃષ્ટિની સજ્ઝાય
