Page Text
________________
સંવિજ્ઞપાક્ષિક કે સમ્યગ્દષ્ટિ જેવો દેશવિરાધક છે કે અપુનબંધક કક્ષાને પામેલો દેશઆરાધક છે કે મિથ્યાત્વી નિદ્વવાદિ જેવો સર્વવિરાધક છે. પોતાની કઈ ભૂમિકા છે તેનો નિર્ણય થવાથી વાચક પોતાની જે ભૂમિકા છે તેનાથી ઉચ્ચભૂમિકાને પામવા સતત પ્રયત્નશીલ બનવા અને સ્વભૂમિકાને ઉચિત રત્નત્રયીરૂપ મોક્ષમાર્ગની આરાધના કરવા દ્વારા પોતાને શુદ્ધાત્મસ્વરૂપે પ્રગટ કરવા કટિબદ્ધ બને છે.
આ ચતુર્ભગીની વિસ્તૃત પૂર્વપક્ષ સાથેની વિશેષ પ્રરૂપણા, પૂજ્ય ઉપાધ્યાયજી મહારાજાએ સ્વકીય ધર્મપરીક્ષા નામના ગ્રંથમાં શ્લોક ૧૮થી ૩૧માં વિસ્તારથી કરેલ છે. વિસ્તારાર્થીએ એ ગ્રંથમાં વાંચવા ભલામણ છે.
આરાધક-વિરાધક ચતુર્ભગી ગ્રંથ ભાવાનુવાદ સહિત વિ.સં. ૨૦૧૩માં અંધેરી ગુજરાતી જૈન સંઘ તરફથી પ્રકાશિત થયેલ છે. તે ગ્રંથને સામે રાખીને તથા જ્યાં જ્યાં પાઠ અશુદ્ધિ લાગે ત્યાં હસ્તલિખિત પ્રતને સામે રાખીને વાંચન કરેલ છે, અને અશુદ્ધિનું પરિમાર્જન કરેલ છે. જ્યાં શુદ્ધ પાઠ નથી મળ્યો ત્યાં લખાણમાં આવો પાઠ ભાસે છે એ પ્રમાણે સૂચન કરેલ છે. ગ્રંથના સાક્ષીપાઠોની સંસ્કૃત છાયા મુદ્રિત પુસ્તક મુજબ લીધેલ છે. પ્રૂફવાંચનના કાર્યમાં સુશ્રાવક શાંતિલાલ શિવલાલ શાહે પોતાના કીમતી સમયનો ભોગ આપી સહકાર આપેલ
થોડા દિવસ પૂર્વે જ ગીતાર્થ ગંગા સંસ્થાના ઉપક્રમે બૃહત્કાય અધ્યાત્મમત પરીક્ષા ગ્રંથ ભાગ-૧ પ્રકાશિત થયેલ છે અને ભાગ-૨ તથા ભાગ-૩નું કાર્ય ચાલી રહ્યું છે, જે ગ્રંથો ક્રમશઃ પ્રકાશિત થનાર છે. તે દરમ્યાન વચ્ચે આ નાના ગ્રંથનું લખાણ તૈયાર કરેલ હોવાથી, અધ્યેતૃવર્ગની અને અનેક સાધુ-સાધ્વીજી ભગવંતોની ભાવનાને અનુલક્ષીને, ગીતાર્થ ગંગા સંસ્થાના ઉપક્રમે આ ગ્રંથ પ્રકાશિત થઈ રહેલ છે.
આ ગ્રંથના સંકલન-સંપાદન દ્વારા જે પુણ્યનું ઉપાર્જન થયું હોય તેના પ્રભાવે, સ્વ-પરને જિનોક્ત સાધુ-સામાચારીનું યથાર્થ જ્ઞાન અને યથાર્થ પરિણતિપૂર્વકની સર્વઆરાધકપણાની પ્રાપ્તિ થાય અને સૌ મુક્તિસુખના ભાગી બનીએ એ જ શુભભાવના..
ગ્રંથના સંકલન-સંપાદન કાર્યમાં જિનાજ્ઞા વિરુદ્ધ લખાયું હોય તો મિચ્છા મિ દુક્કડે માંગું
વિ. સં. ૨૦૫૭, માગસર વદ - ૧૦. પરમ પૂજય પરમારાથ્યપાદ વ્યાખ્યાનવાચસ્પતિ બુધવાર, તા. ૨૦-૧૨-૨૦૦૦. આચાર્યદેવેશ શ્રીમદ્ વિજય રામચંદ્રસૂરીશ્વરજી એફ - ૨, જેઠાભાઈ પાર્ક, મહારાજાના શિષ્યરત્ન પ.પૂ. ગચ્છાધિપતિ શ્રીમદ્ નારાયણનગર, પાલડી, વિજય મહોદયસૂરીશ્વરજી મહારાજાના આજ્ઞાવર્તી અમદાવાદ - ૭.
તથા પ.પૂ. પ્રવર્તિની સાધ્વીશ્રી રોહિતાશ્રીજી મ.સા.ના શિષ્યરત્ના સાધ્વી શ્રી ચંદનબાલાશ્રીજી.
| SR No. | 005731 |
| Book Title | Aradhak Viradhak Chaturbhangi Shabdasha Vivechan |
| Original Sutra Author | N/A |
| Author | Pravinchandra K Mota |
| Publisher | Gitarth Ganga |
| Publication Year | 2001 |
| Total Pages | 84 |
| Language | Gujarati |
| Classification | Book_Gujarati |
| File Size | 8 MB |