Page Text
________________
પ્રકાશકીય નિવેદન
જૈન પરંપરામાં આચાર્ય સિદ્ધસેન દિવાકર, આચાર્યશ્રી હરિભદ્રસૂરિ, કલિકાલસર્વજ્ઞ શ્રી હેમચંદ્રાચાર્ય પછી. આ સૌ પુરોગામીઓની હરોળમાં બેસી શકે એવી પ્રખર પ્રતિભા આપણને ૧૭મી સદીમાં પ્રાપ્ત થાય છે તે જૈન ધર્મના પરમ પ્રભાવક, મહાન દાર્શનિક, ન્યાયાચાર્ય અને વિરલ વિદ્ધપ્રતિભાથી કૂર્ચાલી શારદા ગણાયેલા ઉપાધ્યાય શ્રી યશોવિજયજી. વિ.સં.૧૭૪૩માં ડભોઈ મુકામે એમનો. સ્વર્ગવાસ થયો. એ રીતે સં. ૨૦૪૩માં આ મહાન પ્રતિભાનો દેહવિલય થયે ત્રણસો વર્ષ પૂરાં થયાં.
ઉપાધ્યાય યશોવિજયજીની ત્રિશતાબ્દી નિમિત્તે આ સંસ્થા તરફથી તા. ૧૨-૧૩ ડિસેમ્બર ૧૯૮૭ના બે દિવસોએ પૂ.પં.શ્રી પ્રદ્યુમ્નવિજયગણીની નિશ્રામાં ‘ઉપાધ્યાય યશોવિજયજી : વ્યક્તિત્વ અને વાડ્મય' વિશે અમદાવાદ ખાતે એક પરિસંવાદનું આયોજન કરાયું. એમાં ગુજરાત અને ગુજરાત બહાર વસતા કેટલાક વિદ્વાનોએ યશોવિજયજીનું વ્યક્તિત્વ એમની બહુમુખી પ્રતિભા અને એમના વિવિધ ગ્રંથો વિશે લગભગ ૩૦ જેટલા અભ્યાસપૂર્ણ નિબંધો રજૂ કર્યા. એ પછી આ જ વિષય પર બીજો એક પરિસંવાદ ૨૦મી માર્ચ ૧૯૮૮ના રોજ કોબા. ખાતે યોજાયો. બન્ને પરિસંવાદોનું સંયોજન પ્રા. જયંત કોઠારીએ સફળ રીતે કર્યું.
ઉપાધ્યાય યશોવિજયજીની પ્રતિભા અને એમના ગ્રંથો વિશે ઊંડો અભ્યાસ રજૂ કરતા આ નિબંધો ગ્રંથસ્થ થાય તો સારું થવા જ જોઈએ એવી લાગણી પરિસંવાદો થયા ત્યારે પણ સૌની હતી જ. પઢમં નાણું તઓ દયા'ના મુદ્રાલેખને વરેલી આ સંસ્થાએ હોંશભેર આવા ગ્રંથપ્રકાશન માટે સંમતિ દર્શાવી. શ્રી જયંત કોઠારીએ ઉપાધ્યાય યશોવિજયજીના અધ્યયનમાં સતત ખંયા રહેતા ૫. શ્રી. પ્રધુમ્નવિજયજીના સંપૂર્ણ માર્ગદર્શન હેઠળ અને શ્રી કાન્તિભાઈ બી. શાહના સહયોગમાં ગ્રંથસંપાદનની કામગીરી નિષ્ઠાપૂર્વક સંભાળી. એની ફલશ્રુતિ રૂપે આકાર પામ્યો તે આ “ઉપાધ્યાય યશોવિજય સ્વાધ્યાય ગ્રંથ.” ગ્રંથમાંની સામગ્રી જ એ ગ્રંથની મૂલ્યવત્તાની સાબિતી છે.
સંસ્થા પોતાનો અમૃત મહોત્સવ ઉમંગભેર અને ઉજ્વલ રીતે ઊજવી રહી છે એ સમયે ગંભીર વિદ્યાધ્યયનની આવી મહત્ત્વની સામગ્રી જૈન-જૈનેતર સમાજને સાદર કરતાં અને અત્યંત આનંદ અનુભવીએ છીએ અને આશા રાખીએ છીએ કે આ સાહિત્યસામગ્રીનો સૌ આત્મહિતાર્થ ઉપયોગ કરશે. જૈન સમાજના સાથસહકારથી આ સંસ્થા આવાં વિદ્યાકીય કાર્યો વધુ ને વધુ કરતી રહે એવી અમારી અભિલાષાને સર્વ સહૃદયીઓની અનુમોદના મળી રહો એવી અમારી અભ્યર્થના
આવા અભ્યાસપૂર્ણ ગ્રંથનું સંપાદનકાર્ય જેમની નિશ્રામાં થયું તે પૂ.પં.શ્રી. પ્રદ્યુમ્નવિજયગણીનો અમે સણસ્વીકાર કરીએ છીએ અને સંપાદકો શ્રી જયંત
| SR No. | 005729 |
| Book Title | Upadhyay Yashovijayji Swadhyay Granth |
| Original Sutra Author | N/A |
| Author | Pradyumnavijay, Jayant Kothari, Kantilal B Shah |
| Publisher | Mahavir Jain Vidyalay |
| Publication Year | 1993 |
| Total Pages | 366 |
| Language | Gujarati |
| Classification | Book_Gujarati |
| File Size | 7 MB |