________________
વિજય યાત્રાની વેળાએ...
આંદોલનના સમયે મારી ઉંમર માત્ર બાર જ વર્ષની પણ મને ખબર છે. મુનિશ્રી હેમચન્દ્ર મહારાજ (જેઓ હાલ આચાર્ય છે) મારા ગુરુદેવના અપૂર્વ સહાયક તરીકે ઊભરી આવ્યા હતા.
૩૧
ચોથા દિવસે સાંજે એટલે કે ગુરુવારે સાંજે ઉપાશ્રયમાંથી શેઠની વિદાય થયા બાદ ઉપસ્થિત હજારો જૈનોની વચ્ચે સમાધાન શી રીતે થયું તેની વિગતવાર માહિતી ખુદ ચંદ્રશેખર મહારાજે રજૂ કરી.
આ વિજય શાસ્ત્રોની શ્રમણોની સર્વોપરિતાને જાહેર કરતો શાસન વિજય’' હતો. ચન્દ્રશેખર મહારાજ કે જેમના માટે નવકારશી થી વધુ પચ્ચક્ખાણ શક્ય ન હતું. તેઓ આજે ચોથા દિવસે વિજેતા યોદ્ધા તરીકેના અપૂર્વ તેજ સાથે સ્વસ્થતા પૂર્વક બિરાજમાન છે. સમગ્ર સંઘ વિદ્યાશાળામાં હાજર હતો તે શેઠને ગગનભેદી જયનાદ સાથે વિદ્યાશાળામાંથી વિદાય આપે છે. શેઠ કસ્તુરભાઈ પણ ખૂબ ખુશ હતા. વિવાદ પછીનો સંવાદ વધુ વ્હાલો લાગે છે. શેઠ પણ શ્રમણ સંસ્થાના આ વિજયને હર્ષભેર વધાવે છે.
શુક્રવારે સવારે ૭.૦૦ વાગે વિજયયાત્રાની શરૂઆત થાય છે. સવારે પાંચ વાગ્યાથી વિદ્યાશાળાનો હોલ ઉપાશ્રય દાદરા ચોક-પોળ માનવમેદનીથી ઉભરાવા લાગે છે. લગભગ વીસ હજાર માનવોના મહાસાગર શ્રમણ અને શાસ્ત્ર પરંપરાના વિજયના ઉલ્લાસમાં તરબોળ હતો.
વિજયયાત્રાનો આરંભ વિદ્યાશાળાથી થયો અને લગભગ સવા આઠ સુધીમાં ફેલોશીપ હાઈસ્કૂલના વિશાળ પટાંગણમાં વિજયયાત્રા સમાપ્ત થઈ અને ત્યાં વિજય સભારૂપે પરિવર્તિત થાય છે. સમગ્ર અમદાવાદના તમામ મહાજનોએ પોતપોતાના વ્યવસાયમાં રજા રાખી અને આ ઐતિહાસિક પ્રસંગના સાક્ષી બનવાનું નક્કી કર્યું.
વિજયયાત્રા-વિજયસભાનું જીવંત રેડિયો પ્રસારણ થતું હતું. ગુજરાત રેડિઓએ લગભગ ૪૦ મિનિટ સુધી સમગ્ર પ્રસંગની રજૂઆત કરેલી.
વિજયસભામાં ચન્દ્રશેખર મહારાજના શકવર્તી પ્રયાસનું હૃદયદ્રાવક વર્ણન હેમચન્દ્ર મહારાજે કર્યું અને આ સમયે એક અનોખી ઘટના બને છે.
૮૬