Page Text
________________
આમરણ ઉપવાસની જાહેરાત
૨૮
ચન્દ્રશેખર મહારાજ વર્તમાન સદીના ધરખમ વ્યક્તિ છે. તેવો અંદાજ તે સમયે કોઈને ન હતો. પણ સહુ સંતો અને સજ્જનોએ એવી નોંધ જરૂર લીધી હતી કે “ચન્દ્રશેખરવિજયજી આ સદીના ક્રાંતિકારી છે તેથી તેમનો ડર સહુને લાગતો હતો અને પુનઃ તે ડર સાચો પડ્યો.
ચંદ્રશેખર મહારાજ સત્તા સામે બાથ ભીડે છે. તેમનો સંગ્રામ સંઘ-શાસન રક્ષા માટેનો છે.
ભારત સરકારના માહિતી ખાતાએ દિગંબર જૈન તીર્થ શ્રવણ બેલગોડાની ડૉક્યુમેન્ટરી ફિલ્મ તૈયાર કરેલી. તે ફિલ્મ વીસ મિનિટની હતી. સરકારે એવો આદેશ જારી કર્યો કે “દરેક ટોકિઝમાં આ ફિલ્મ દરેક શો ની શરૂઆતમાં બતાડવી” અને આ ફિલ્મને જોતાં પ્રેક્ષકો જૈનધર્મની ખૂબ હસી ઉડાવતા હતા. આ સમાચાર શુક્રવારે મળ્યા અને રવિવારના જાહેર પ્રવચનમાં પૂ. ગુરુદેવ આ બાબતે આક્રમક રજૂઆત કરી. જૈનોના ભગવાનોની થતી હાંસી સામે ચંદ્રશેખર મહારાજ આગ બની ગયા હતા. તેમનો વિરોધ હાંસી ઉડાવનાર પ્રેક્ષકો કરતાંય ફિલ્મ રજૂ કરનાર સરકારી પરિપત્ર સામે હતો, આ પરિપત્ર ર૫૦૦ મી ઉજવણીના આયોજનના ભાગ રૂપે હતો. પ્રવચન દરમિયાન જ એલાન થઈ ચૂક્યું હતું. કે “સમગ્ર પ્રવચન સભાએ સરઘસ રૂપે શહેરની મુખ્ય ચાર ટોકિઝે જવું અને ડોક્યુમેન્ટરી ફિલ્મ નહીં બતાડવાનું વચન લેવું.”
આ જ પ્રવચનમાં ચન્દ્રશેખર મહારાજે બીજી જલદ જાહેરાત કરી કે “૨૫૦૦મી ઉજવણી સમિતિના અધ્યક્ષ પદેથી શેઠ કસ્તુરભાઈ રાજીનામું આપે ત્યાં સુધી હું કાલથી આમરણ ઉપવાસ શરૂકરીશ.”
પ્રવચન સમાપ્ત થતા જ સમગ્ર સભાનો પ્રત્યેક શ્રોતા, શ્રોતા મટી સૈનિક બની ગયો અને હજારોના સૈન્યના સેનાધિપતિ તરીકે ચન્દ્રશેખર મહારાજ ચાલે છે. સમગ્ર અમદાવાદ આ દશ્યોથી ઉત્તેજિત હતું. દરેક ટોકિઝના મેનેજરને રોડ ઉપર બોલાવી જાહેરમાં વચન લેવાયું કે “ડોક્યુ. ફિલ્મ નહી દર્શાવાય” અને સાંજે વિદ્યાશાળા ખાતે સમગ્ર સરઘસ વિરામ પામ્યું. આખો ગાંધીરોડ
૭૮
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |