________________
૨)
અનોખી સેવા
અમદાવાદ-ઉસ્માનપુરાનો ઉપાશ્રય...
પ્રેમસૂરીશ્વરજી મ.સા. સમગ્ર શિષ્ય પરિવાર સાથે બિરાજમાન હતા અને તે જ ઉપાશ્રયના બાજુના ભાગમાં શાસન સમ્રાટ સમુદાયના ઉદયસૂરીશ્વરજી મ.સા. પણ સપરિવાર બિરાજતા હતા. આ બંનેય મહાપુરુષો વચ્ચે અપૂર્વ મૈત્રી હતી.
આ શુભગ મિલન, પરમાત્મા શ્રી સંભવનાથજીના જિનાલયમાં પ્રાણ પ્રતિષ્ઠાના નિમિત્તે હતું. શ્રી સંઘની અદમ્ય ભાવના હતી કે “કલિકાલના કલ્પતરૂ સમાન બેય મહાપુરુષોના વરદ હસ્તે પ્રભુજી ગાદિનશીન થાય. બન્નેય મહાપુરુષોની એવી ઈચ્છા પણ ખરી કે આ નિમિત્તે સાથે રહેવાશે.“
એક રાતે પ્રેમસૂરીશ્વરજી મહારાજની તબિયત એકાએક એકદમ ગંભીર થઈ ગઈ. છાતીમાં સખત દુખાવો થવા લાગ્યો, શ્વાસોચ્છવાસ પણ અનિયમિત થઈ ગયા. સમગ્ર રાજનગરનાં ઉપાશ્રયોમાં આ સમાચાર વાયુવેગે પ્રસરવા લાગ્યા. રાતનો સમય હતો, છતાં અનેક મહાત્માઓએ તો મહારાજજીની બિમારીની ગંભીરતા સમજીને, રાતના જ વિહાર કરીને આવી રહ્યા હતા. ત્યારે ચન્દ્રશેખરવિજયજી તાતપાદશ્રીની સેવામાં હતા.
પૂજ્યશ્રીના ઉપચારોમાં ક્યાંય ખામી ન રહે તે હેતુથી ચંદ્રશેખરવિજયજીએ પાંચ-પાંચ દવાનાં પેકેટ્સ પોતાની સાથે રાખ્યા હતા. એલોપથી, આયુર્વેદિક આદિ વિજ્ઞાનનો પણ અભ્યાસ કર્યો હતો. તબિયત વધુ નાજુક થાય ત્યારે તેના ઈલાજ તરીકે Life Saving ઈજેક્શનો પણ સાથે જ રાખેલા.
રાતના સમયે સંઘવાળા કોઈ ડૉક્ટરને લાવ્યા. તે ડૉક્ટર તો હોસ્પિટલમાં દાખલ કરી દેવાની સૂચના સાથે ચાલતા થયા. ત્યારે ચંદ્રશેખરવિજયજીએ જોખમ ઉઠાવી એક ઇજેક્શન આપી દીધું અને ચમત્કાર થયો. માત્ર બે જ મિનિટના સમયમાં મહારાજજીના શ્વાસોચ્છવાસ, છાતીની વેદના વગેરે બધું જ શમી ગયું. ઉદયસૂરીશ્વરજી મ.સા. પણ મહારાજજીના સ્વાથ્યની ગંભીરતાથી ચિંતિત હતા. તેઓ પણ ખુશખુશાલ થઈ ગયા, ચંદ્રશેખરવિજયજીની જિગરથી બધા આશ્ચર્યચકિત