________________
૧. મુનિરાજશ્રી હર્ષસેનવિજયજી જેમણે પૂ.ગુરૂદેવની લગભગ ૨૮ વર્ષ લગાતાર સેવા કરી. આ મહાત્મા અપૂર્વ સંયમી હતા. તેમને લગભગ ૧૦૦ બાધા હતી. સદેવ માળા સાથે જ આ મહાત્માના દર્શન થતા હતા.
૨. મુનિરાજશ્રી જયચન્દ્રવિજયજી પર્યાય વૃદ્ધ છે. નાદુરસ્ત સ્વાસ્થ્યમાં ઉત્તમ આરાધના કરવા પૂર્વક સમય પસાર કરે છે.
૩. પં. ઇન્દ્રજિતવિજય કેવલ ૭ વર્ષની ઉંમરે ગુરૂદેવશ્રીના ચરણોમાં સમર્પિત થયા.અપૂર્વ વાત્સલ્ય મેળવ્યું. જ્યોતિષ આયુર્વેદ એલોપથી આદિનો ખુબ ઉંડો અભ્યાસ કરેલ છે. પૂ.ગુરૂદેવશ્રીની છેલ્લા ૩૦ વર્ષથી અપૂર્વ સેવા કરેલ હતી. નિઃસ્પૃહતા અને ઉદારતા જેમનો મુખ્ય ગુણવૈભવ છે.
૪. પં. યશોભૂષણવિજય અપૂર્વ સંયમી વર્ધમાન તપની ૧૦૦ ઓળીના આરાધક હતા અને ઉગ્ર તપસ્વી અને આરાધક હતા.
૫. મુનિરાજશ્રી ગિરિભૂષણવિજય - ઘોર તપસ્વી ૧૬-૧૬ ઉપવાસ ૨૯ વાર કરી ચૂક્યા છે. વર્ધમાન તપની ૮૦ ઉપરાંત ઓળીના આરાધક છે.
૬. પં. મેઘદર્શનવિજયજી જેઓ જૈન ધર્મના તત્વજ્ઞાનને સરળભાષામાં પ્રવચન, પુસ્તકો, અને ટપાલ દ્વારા તત્વજ્ઞાન સમજાવવામાં Master છે. જ્ઞાન દીપક બનો યોજના દ્વારા હજારો લોકોને પંચ પ્રતિક્રમણ શુદ્ધિ સાથે બોલતા કર્યા છે.
૭. પં. જિનસુંદરવિજયજી વિશિષ્ટ પ્રવચન શક્તિ અને પુણ્ય દ્વારા અનેક ધનવાનો ધનને સન્માર્ગે વળાવવામાં તેઓ નિમિત્ત બને છે. આ તેમની વિશિષ્ટ પુણ્ય શક્તિ છે.
૮. પં. પદ્મદર્શનવિજયજી ૧૦૦ ઓળીના આરાધક પં. ધર્મબોધિવિજયજી, પં. રાજરક્ષિતવિજયજી, પં. કલ્પરક્ષિતવિજયજી આદિ એવા મહાત્માઓ છે કે ‘‘જેમનાં પ્રવચનો’’, જેમનું પુણ્ય અને વિશુદ્ધ સંયમ શ્રી સંઘોમાં અનેક સત્પ્રવૃત્તિઓમાં નિમિત્ત બન્યા છે.
૨૨૭