________________
ચજશેખર મહારાજઃ
૧૦૧ Emperor of Achievements પૂર્વ દિશામાં ઉગતો સુરજ સમગ્ર બ્રહ્માંડને પ્રકાશિત કરે છે. માત્ર ગુજરાત, મહારાષ્ટ્ર અને રાજસ્થાનમાં જ જીવન પસાર કરનાર ચન્દ્રશેખર મહારાજે એવા શકવર્તિ કાર્યોની શ્રેણિ રચી કે “જેની નોંધ સમગ્ર ભારતના જૈનોએ લેવી પડી.” સદીઓ સુધી નોંધ લેવી પડે તેવા. કાર્યોની સૂચિ છે.
પૂ. ગુરુદેવે સ્વ પ્રસિદ્ધિ કે સ્વ પ્રતિષ્ઠા માટે કોઈ કાર્ય કર્યું નથી તેનો સાક્ષી સમગ્ર સંઘે છે. પણ પૂ. ગુરુદેવની નિષ્ઠા એટલી દઢ હતી કે તેમના દ્વારા થતા કાર્યો સ્વયં પ્રસિદ્ધ બની ગયા. ગાંધીની આઝાદિની લડત જેવી પૂ. ગુરુદેવની શાસનદાઝની લડત હતી. તેઓ જૈનાચાર્યોને પુરી આમન્યા સાથે ક્યારેક કહેતા હતા કે “આપ આચાર્ય છો છતાં આપ આ શાસનની રક્ષા કે ઉત્કર્ષ માટે કેમ ગંભીર નથી.” અમને શિષ્યોને કહેતા “મેં ટોળાઊભા કરી મારો વટ પાડવા તમને શિષ્ય નથી બનાવ્યા. મારે તો તમારામાં મરજીવા પેદા કરવા છે અને પોતાની નિકટના શ્રીમંતોને પૂજ્ય ગુરુદેવ કહેતા “તમને મળેલાં અમાપ ધનમાંથી ખાવા પુરતુ ધન રાખી બાકીનું મને આપો મારે ઘટઘટમાં પ્રભુ શાસન અને મહાવીર દેવની કરૂણાને વહેવડાવવી છે.
ગુરુદેવના આ માત્ર શબ્દો ન હતા. બલ્ક આ હૃદય હતું. તેમના શબ્દોમાં તેઓ ખુદ દેખાતા હતા. ચાલો પૂ. ગુરુદેવના સમગ્ર જીવનના જીવન્ત કાર્યોના Flash back ને જોઈ લઈએ શું Management Power હશે. જૈન શાસન અને સાથે સંસ્કૃતિનું કોઈ ક્ષેત્ર બાકી નથી રહ્યું હોય, જ્યાં ગુરૂદેવે પોતાનો ફાળો ન નોધાવ્યો હોય.
હવે સર્જનોના દશ્ય પુરાવાઓ રજુ કરવાનું મન થાય છે. વ્યક્તિ સ્વયં એક સામ્રાજ્ય બનીને વિસ્તરી શકે છે. તે સંદેશ ચન્દ્રશેખર મહારાજનું જીવન આપે છે. તેમના દરેક સર્જનમાં બે બાબતોના દર્શન થયા કરે છે. દરેક સર્જનનો આરંભ પાછળ પૂ. ગુરુદેવની ભાવના વૈભવ ડોકાય છે. તો તે સર્જનની સંપન્નતા પાછળ વિરાટ પુણ્ય વૈભવના દર્શન અચૂક થાય. ભાવના તો ઘણા પાસે હોય પુણ્ય કો'ક જ વિરલા પાસે હોય છે. શિષ્યોના સર્જનથી માંડી દરેક સર્જન હવે પછીના વિભાગમાં જોવા-જાણવા મળશે.
૨૨૪