________________
ચન્દ્રશેખર મહારાજ શાન્ત રહી શકતા ન હતા. તે તેમની આક્રમકતાને છોડી ન શકે તે સ્વાભાવિક છે. કારણ કે તેમને સંઘ, સંસ્કૃતિ અને પ્રજાનું ભાવિ ગમગીન દેખાતું હતું. માટે જ તેઓ “સદીના યુગ પુરુષ” હતા. ધુરન્ધર જૈનાચાર્યો કે મહાન ધર્મોચાર્યોને પણ ચન્દ્રશેખર મહારાજ પોતાની વાતોથી વિચારતા કરી દેતા. માટે તો તેમના અગ્નિદાહના સમયે વિશ્વહિન્દુ પરિષદના નેતા શ્રીયુત પ્રવીણ તોગડીયા બોલ્યા હતા. કે “ચન્દ્રશેખર મહારાજ જૈન સાધુ હોવા ઉપરાંત એક હિન્દુ રાષ્ટ્રના સંત હતા અને ભારતની સંસ્કૃતિના સૈનિક હતા. તેમની ગેરહાજરી હીન્દુ પ્રજા માટે પણ મોટો શૂન્યાવકાશ બની રહેશે” આ ત્રણ દષ્ટિઓના કારણે તેમણે જે વાતો વર્ષો પહેલા પોતાના પુસ્તકોમાં લખેલી હતી અને પ્રવચનોમાં બોલેલી હતી તે આજે વાસ્તવિક બનીને દેખાય છે. પંન્યાસ ચન્દ્રશેખર મહારાજે કરેલા કેટલાક વિધાનો રજુ કરું છું. જે આજે સ્પષ્ટ-સત્ય તરીકે દેખાય છે... ૧. “અમેરિકા દેવાળુ કાઢશે.”
આ વાત હાલની આર્થિક મંદી તથા કુદરતી આપત્તિ, વળી ચીનની આર્થિક મંદીના લીધે
અમેરિકાનું અર્થતંત્ર ડામાડોળ છે. અમેરિકા વિશ્વનું સૌથી મોટું દેવાદાર રાષ્ટ્ર છે. ૨. “યુનાઈટેડ સોવીયેત રાષ્ટ્રસંઘ તરીકે ઓળખાતા રશિયાના ભાગલા પડશે.”
આ વાત જ્યારે અખંડ રશિયા હતું. જૈન U.S.S.R. કહેવાતું હતું. ત્યારનું વિધાન છે. જે આજે સંપૂર્ણ સાચું પડ્યું. ૩. “પાણી વેચાશે.” સરકાર જ વેચવાના કોન્ટેકટ આપશે.
કોર્પોરેશન આદિએ વોટરટેક્ષ લેવાનો શરૂ કર્યો છે. ખાનગી કંપનીઓને શુદ્ધ પાણીને નામે કોન્ટેકટ અપાયા છે. ૪. રાસાયણિક ખાતર રોગ નોતરશે. જમીનને બાળી નાખશે. હવે આ વાત નજરોનજર દેખાય છે. ખેડૂત રાસાયણિક ખાતર વિના પાક ઉગાડી નથી શકતો. જમીનની ફળદ્રુપતા ખલાસ થઈ છે.
૨૧૯